Abjaas 1:21 - NQAARIIT NE ROOG

²¹ Waawat weene xan a ŋaay took o joong ole Siyoŋ, a ngame took xa coong axe Esawu, too o Yaal oxe na refkaa o maad den.

Abjaas 1:21 Referans Kwoze

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Saak 5:20

fat nu and kene: Oxe na nomtitiidaa o paabakaad na ƭat a paaxeer um, a naaga o muclaa o kiin oxeene na fa nqon. A soƥangaa sax ee pakaad um a may’a, xan Roog a waasanin a den.

Sakari 14:9

A koom, o Yaal oxe xan a maadoox took lanq ke fop. Ten soom na bugko faɗooxeel, gon um doŋ a ƴufginooreel.

Dañel 7:27

Maat ne fo ngelfa ne fo o magnel ole no maat ke fop ndefna took lanq ke xan a ƥoxotel xeet fee no tedu we no xe Took-ee-took. Maat um jegkee muukandoong, too yaal toole ke na adna fee fop xan a ndagooxin too a nananin.›

1 Timote 4:16

Yetooxi a xoox of fo a cangin of, dami no keene, fañ o waas, yaam o fi’angaan, xan o muc, mucil we na nan-gilooxang.

A kim a tedu ke 22:28

A qalaat no qeet ke moƴna o liitoox sax xan a nqox no Yaal oxe, soo da nomtooxiid me ten. A qaw ake na saax ake fop xan a ngung mbaambir um,

YEGIL MBAAX NE YEESU ne Lik a bindtuuna 22:30

ndax nu ñaam yer fa mi kam mbind Faap es, moof na kamb, ngate a carind xarɓaxay fo a carind a ƭak ake Isra’el.»

Dañel 2:44

No camaane ke no maad weene, Roog fee na asamaan xan a dalin maat naa gefkaandeena boo muk, too ɓoxotkaand na xa ƥay no qeet lakas ke. Maat neene xan a duguñ maat keene fop, too xan a ref bo na moos boo moos,

Esayi 19:20

Kam Misira, kene xan a ref o anddiloor fo seede no Yaal oxe Hupna fop: Yaa da ƈufginooxkaa o Yaal oxe yaam we na ñagadilaa a den, xan a heblaniid a den o Muumucil fo o paafarit oxaa na watkaa a den.

Haahate we 2:16

Maaga, o Yaal oxe a sutana a den haahate, too weene a mbata a den na xa ƥay no we yaqoogna a den.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

Mbeeñil 19:6

Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Mace 6:10

Yaasam maat of a fadiid! Yaasam ke bugoona a jeg na adna nen na asamaan!

Dañel 12:3

We njegna o and xan a meleƈ nen meleƈ le na asamaan, we aqatinna wiin mayu o cofel xan a miric-miricin nen xa qoor axe na asamaan, bo na moos boo moos.

Dañel 7:14

A ɓoxote ngelfa fo o ndam fo maat, ndax qeet ke fop fo a saax ake fop fo wiin we no lak ke fop a mbaɗooxin. Ngelfa ne ten xan a ref boo faw too jegkee muukandoong, xan a maadoox bo na moos boo moos.»

Dañel 2:35

Ndak fo ndak, njelem ne fo ɗok le fa xanjar fee fa xaaliis fee fa wurus fee a moxoñooxa, nqeñ ne a yetin a den nen ñaax laa na feeseel yaa fo ƈiid, boo tus teen ga’ataand. Ɓil le dal’uuna koy, a refata o joong o maak, a mayƭand lanq ke fop.

A kim a tedu ke 102:15

In we dag of, i mbexa a ƥil ake Yeerusaleem, yirim kefatin ke ten.

2 Maad we 13:5

O Yaal oxe a lulta a den o baawat, ta wat a den na xa ƥay no Aa-araam we. No kaa xotitna maaga, Ii-isra’el we a ñoowoogata na jam nen eetaand.

Haahate we 3:9

Maaga, Ii-isra’el we a ƈufginooxa o Yaal oxe, soo ta sutan a den o baawat oxaa watna a den, ta ref Otni’el fee o ƥiy Kenaas fee o ndeɓ Kaleb.

Nehemi 9:27

Maaga, ɓoxotaa a den na xa ƥay no fañ den, da toroxandaa a den. Kam naqad den, a ƈufginooxaang, soo o fod na asamaan, nanaa a den. Kam yirmande fa maak fee wo, lultiidaa a den waawat, soo da mbat a den na xa ƥay no fañ den.

A kim a tedu ke 47:7

Nqaanyo a Roog, nqaaneenoo. Nqaanyo o maad in, nqaaneenoo,

A kim a tedu ke 67:4

Wo Roog, fat qeet ke a ƥoxotong o ngidim, kaam ee fat qeet ke fop a ƥoxotong o ngidim!

Mberaand 25:23

O Yaal oxe a layaan ee: «Qeet ƭik ndefu no fud of. Xan qeet ƭik ke a nqaajoor yaa da sutoorkaa na wo. Fa leng no qeet keene xan moƴ o jeg doole fa lakas fee, too oxe na eetkeel o rim xan a ɓoxotoox no ƭikandeer oxe.»

A kim a tedu ke 22:29

yaam o Yaal oxe doŋ refu o maad, ten na maadooxanaa qeet ke fop.

Esayi 24:23

A qoor ale xan a gaci, soo njeeƈ ne a sed, yaam o Yaal oxe Hupna fop xan a maadoox took o joong ole Siyoŋ, na Yeerusaleem, too xan o ndam um a meleƈ na kid no maak we.

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.