Abjaas 1:19 - NQAARIIT NE ROOG

¹⁹ Yuuyudaa we no ɓemb-roog o ñamaak xan a njang xa coong axe Esawu, we no saax le na yulanq ake no mudand ne a njang saax le no Fiifilista we. Xan a njang o fiisel ole Efrayim fo ole Samari, Beebensame we mat a njang a Galaad.

Abjaas 1:19 Referans Kwoze

Amos 9:12

ndax ta pokook we yoqna na Edoom fo na saax ake gon es a ƴufginooroogeena. Mi o Yaal oxe layun, too xam fadnin.

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

Heseki’el 36:28

Xan nu ngen no saax le ci’uuma daan nuun. Xan nu ndef xeet es, soo um ref Roog nuun.

Mise 7:14

O Yaal oxe, gayti xeet of o loq o gayir ole wo, o siir ole jegoodoona, kesooxna kam lanq maasu ke ndeer a ƭing ake! Fat da suuf kam Basan fo kam Galaad, nen camaane kaa yaaga!

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Amos 1:8

Xam salax we ngenna Asdod, war o maad oxe deegooxna o samb ole kam Askalon, o ɓay es a dal took Ekron, we yoqna no Fiifilista we a saŋkoox.» O Yaal oxe na refkaa boo faw layun.

Heseki’el 25:16

ten taxu keeke layum, mi o Yaal oxe na refkaa boo faw: Xan o ɓay es a dal took no Fiifilista we, um moocand Keekeret weene soo saŋik we yoqna na ƥeeraamb ale no maag ole.

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

A kim a tedu ke 69:35

Fat asamaan fo lanq a simatin, xa maag axe fo fop ke na ñoowaa teen,

Esdaraas 4:17

O maad oxe a lulta a Rehum fee gofornoor, Simsay fee o piibind oxe fo gend den we ngenna Samari fo no fo mbiñ fo lakas ne no mudand ne no xuluɓ ole Ofrat o doonanqol oleeke: «Mexe simnaa a nuun fo lakas fo lakas.

Esdaraas 4:2

A soƥiida a Serubabel fo yaal ƥasil ke, a lay a den ee: «Kaa i mbug o maxatin fa nuun Mbind Roog nene, yaam Roog nuun i mbaɗooxaa nen a nuun too ten i ƥoxotaa sadax no kaa xotitna na jamaane faa Esar-Hadon fee o maad oxe Asuur a ɓisiidna a in mene.»

1 Caloori ke 5:26

Roog fee Isra’el a riña a Pul fee na xoyeel a xoy Tiglat-Pileseer fee o maad oxe Asuur, ta song xa piisel axe na carind ale Ruben fo ale Gaad fa genwal a carind ale Manaase. A ɓisa a den took o hup doole Halah, Haboor, Hara fo paam o xuluɓ olaa Gosaan, too a maada maaga boo no ñaal roog ne xaye.

2 Maad we 17:24

O maad oxe Asuur kaa ɓistiid’u wiin Babilon fa Kuta fa Awi fa Hamat fa Sefarwayim, ndax ta dalin a den no teeru ke Samari na seek no Ii-isra’el we. Wiin weene a njanga a Samari, a ngen no teeru ke ten.

Yosuwe 15:33

Teeru ke no jegel ole na yulanq ake a ndeeƭa: Estawol, Sora, Asna,

Yosuwe 15:21

Teeru ke no cat ke no fiisel ole na xa taan axe Yudaa farna fo ŋat olaa Edoom no ɓemb-roog o ñamaak a ndeeƭa: Qabse’el, Edeer, Yagur,

Yosuwe 13:31

Genwal fee no jegel ole Galaad, teeru fee Astarot fa fee Edari ndeeƭna teeru no maad ke Oog fee o maad Basan a coox’e a qaw ake na genwal fee na xa taan axe Makiir fee o ƥiy Manaase.

Yosuwe 13:25

Yaseer, teeru lakas ke Galaad fop fa genwal fee no saax le no Aa-amon we boo Aroweer paam Raba a mbog’a teen.