Abjaas 1:18 - NQAARIIT NE ROOG

¹⁸ Xa taan axe Yakoob xan a ndef nen fiɗel, axe Yoseef a ndef nen ƈulfaan, soo axe Esawu mat a ndef nen daaƭ laa da ndaaɓkaa, a sooynin, too jegkee oxaa filna na den. Mi o Yaal oxe layun.»

Abjaas 1:18 Referans Kwoze

Sakari 12:6

A koom koy, xam fi kelfa ke Yudaa a ndef nen gaagaañ fiɗel ndeer o joc, a ndef nen o jam olaa na kaƥaa ndeer a keeg, a ndaaɓaa o saax oo saax qeet ke mbiduuna fop, we ngenna Yeerusaleem o mat a moof me da ndefna, kam teeru fee den.»

Esayi 10:17

O Yaal oxe refna a Qoolaand ale Isra’el xan a refat fiɗel, o Tedu xe ten a refat aal laa na doxkaa soo a raaɓ takar-ñiig ke fo tomb ke Asuur no ñaal leng kut.

Mise 5:8

«Fat o ɓay of a dal took no fañ of, da moocandel, den fop!»

Heseki’el 37:19

Fat o doon a den ee: Keeke o Yaal oxe na refkaa boo faw a layu: Xam xotit no ɓay ole Efrayim o loq ole refanna a Yoseef fo Ii-isra’el we no maat um, ndax um paƥrandin fo ole refanna maat ne Yudaa. A mbokatange no ɓay es, xan a ndefat o loq o leng.

Esayi 5:24

Ten taxu ne aal fiɗel a raaɓtaa sañ mbeeru fo ne boob laa jooreena no ƈulfaan a sooytaa, neene a paƴ den a mbotitkaa, soo piɗ den a pasaroor nen fo ut, yaam kaa da mbañ a cangin ale no Yaal oxe Hupna fop soo a nqeef fa lay fee no Tedu xe Isra’el.

1 Korint 3:12

A jega waa na maxtaa wurus mbaat xaaliis mbaat a ƥil a cafeñu, wene a teex mbaat fo gooñ mbaat daaƭ took fer leene.

Nahum 1:10

A soƥangaa sax ee kaa ndef kol kaa saaƭoorna, a nquƥaa saƥ, xan a ndox riw nen daaƭ laa naagna ŋayam.

Abjaas 1:16

O Yaal oxe kaa tee: «Nuun wiin we Yudaa, feek nu yera a sak ale no fuux le mi took o joong o tedu le mi, qeet lakas ke itam xan a yer teen too tumitkee. Kaam ee xan a yerin boo a ƥuus nqiim ke, cinj kaaga xan a sooƴ boo wee ndax mosee ndef.

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

Yowel 2:5

O nanangaan ee ɗuuɗ a sareet-xire kaa na mboolaa took xa cul axe na xa coong axe, a ratataa nen ƈulfaan fiɗel laa na raaɓaa boob. O ga’angaan ee xeet fa njegu doole faa jagandooxanna a ñoq.

Heseki’el 37:16

«Wo fee o ƥiy no kiin, jangi o loq soo bind took fee xa ñuxur axene: ‹Yudaa fo Ii-isra’el we no maat um njegun.› Cinj kaaga, jangi o loq o lakas soo bind took fee yee: ‹Yoseef, ta ref Efrayim fo Ii-isra’el we no maat um njegun.›

Esayi 47:14

Muj den xan a nand nen fo gooñ olaa fiɗel a raaɓaa, ndaɗkee a aal ake. Refkee o wuuclaand olaa o gaf a waageena o juɗit mbaat keƥandand naa o kiin a waagna o raƭoox.

Esayi 31:9

Oxe refna ɓil den xan a god o joor yaam diid, soo aa-adax we no xiixire we ten a ndiƈatoox a laay a anddiloor ale den. Keene o Yaal oxe a layu, ten oxe fiɗel um a refna kam Siyoŋ, soo ndoxand um a ref Yeerusaleem.

2 Sami’el 19:20

soo a layin ee: «Daali maad, koo ba o damtaam tooñ ne mi! Ba o wetandoox tooñ es ne a koom alaa o maad oxe o yaal es a sutooxna Yeerusaleem. Daali maad, ba o geekanaam kaaga muk no xeeñ of.

Esayi 9:18

Saax le xan a raaɓel na pexey fuux le no Yaal oxe Hupna fop, soo xeet fee a ref muud fiɗel le. O leng yirimkatee o pog um.

Esayi 9:19

Xan a ƭipit na ñamaak, ndaa watinkee nqeex, a seel na janoon, ndaa taxkee giñ a ref meen. Oxuu refna xan a ñaamaa o pog um.

Yeremi 11:23

Yoqkee o leng no wiin we Anatot, yaa um ɓisiidkaa taamaala fee took den, no hiid ole um ɓekkaa a den o ɓay.»

Amos 1:8

Xam salax we ngenna Asdod, war o maad oxe deegooxna o samb ole kam Askalon, o ɓay es a dal took Ekron, we yoqna no Fiifilista we a saŋkoox.» O Yaal oxe na refkaa boo faw layun.

A sutax ale 5:12

Xeet fee a pictooxa kam saax le Misira fop, a ngisaa a soɓoñ ake, a mbañ o mbaaƭ a soɓoñ a soƈe.