Abjaas 1:17 - NQAARIIT NE ROOG

¹⁷ Kaa koy, xan a jeg waa ndaɗna took o joong ole Siyoŋ na tedkataa. Xa taan axe Yakoob xan a njangatin lanq ke den njaɓ’eena.

Abjaas 1:17 Referans Kwoze

Mbeeñil 21:27

Kaa koy, qoolaƭaru leng mbaat o kiin oxaa na fi’aa cednooxu mbaat oxaa na maaɓaa rokkee na teeru feene. We a kon den a mbindeena no safe le no ñoow ole o Mbaal onqe a jegna rek na ndokkaa teen.

Amos 9:8

Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Esayi 46:13

Mexey matandiidaa o cofel es, goƭatee sax. A muc es ñaalkaand a kar. Mexe ɓisiidaa kam Siyoŋ a muc es. Kaam ee mexe ɓisiidaa a Isra’el tig mosu.»

Esayi 1:27

Xan a ƭat es a wat a Siyoŋ, soo we ngenna teen a mbattel o cofel es.

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.

Yeremi 44:28

Leng-leng soom na ƥostooxkaa no laƥ ne, a nomtoortiid no saax le Misira, a ndet Yudaa. Maaga, wiin weene fop yoqna no Yuuyudaa we laqooxiid’ina no saax le Misira xan a and fa lay fum na fadnooxkaa, fee mi mbaat fee den.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

A kim a tedu ke 69:35

Fat asamaan fo lanq a simatin, xa maag axe fo fop ke na ñoowaa teen,

Esayi 4:2

A koom, xan dugatin le no Yaal oxe a refat o mosel fo o ndam no yoqatin we Isra’el, soo xa tim axe no saax le a ndefat o ɗaay fo o mosel na den.

Sakari 8:12

Xam duuf jam fee. Ndaxar biiñ ne xan a cooxit xa tim um, lanq ke a cooxit ke da mbatna, soo asamaan a cooxit a teƥ um. Xam lamnoor yoqatin we na xeet fene paax keene fop.

Esayi 65:9

Xam sutit na Yakoob o ndaan, kaam ee xam sutit na carind ale Yudaa oxe na lamkaa o joong o tedu le mi. We um jilkaa xan a njegin, dag es a ngenik teen.

Yeremi 31:23

Keeke o Yaal oxe Roog fee Isra’el Hupna fop a layu: «Keeke na laykahineel kam saax le Yudaa fo kam teeru ke ten, yaa um nomtiidkaa we ƥiseena gilaa saax took o hup doole na den: ‹Yaasam o Yaal oxe a barke’ong, wo o joong o tedu le Siyoŋ, ngenand o cofel ne.›

Heseki’el 36:12

Xam ñaaƴnoor wiin we took nuun, a Isra’el fee xeet es, too xan a njegong. Xan o ref mbaafaap den, too salaxkatiro xa ƥiy den.

Dañel 7:18

Kaa koy, xan tedu we no xe Took-ee-took a ndaaw maat ne too xan a njegin boo faw, bo na moos boo moos.›

Yowel 3:5

A koom, oxuu ƴufginoorna gon le no Yaal oxe, xan a muc. Ne o Yaal oxe a laytuuna, xan a jeg waa ndaɗna took o joong ole Siyoŋ, waa mucna kam Yeerusaleem. Den ndefu we o Yaal oxe a xoyna.