Abjaas 1:15 - NQAARIIT NE ROOG

¹⁵ Ñaal ne o Yaal oxe a hate’kaa qeet ke fop a matiida. A koom, xan o fi’el leng kut ke fi’oona lakas we, nomtel paaxeer ke fi’oona.

Abjaas 1:15 Referans Kwoze

Habakuk 2:8

Ne jangaloona qeet mayu, xan ke yoqna no qeet ke a njangalong, yaam fo’oy le no wiin we ɓaxoona fo a pi a yednu ke fi’oona na saax ake, kam teeru ke fo we ngenna a den fop.›

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Heseki’el 30:3

Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Yeremi 50:29

Nqoyanyo a Babilon xaaxaƴ a qali we, fop we ndefna ɗana! Ndalyo me widuuna, ba o leng a daɗ. Ndabdeenoo a pi um, mbi’in deŋ ne ta fi’na lakas we! Kaa lalit o felnax um paam o Yaal oxe, paam o Tedu xe Isra’el.

A kim a tedu ke 137:8

Wo o ndoog onqe Babilon na gefkeel tuƈ, oxe na doonkang leng kut ke doon’oona a in, a ɗaaya.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Heseki’el 35:15

Feek kaa o felakinoox na kef ale no mbaafaap ne Isra’el, xam doonong leng kut ke. Wo o joong ole Seyiir xan o fiitnel fa Edoom fop, too xan fop a and ee mi refu o Yaal oxe.»

Yeremi 49:12

Keeke o Yaal oxe a layu: «Nga’angyo, we mbar’eerna o yer no feeƭ ole yipna fuux le mi, xan a yer teen, soo wo Edoom o mat o bug o ref teen jaambuur! Ha’aa, refkiro teen jaambuur kañ, waraa o yer teen.

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

Ke bindeena no xe ne’eena YOB 24:1

Xar taxu o Cegu katil oxe dalnee waxtu faa ta hate’aa soxodu we? Xar taxu we anduuna naangee nga’aa ñaal neene?

Yeremi 51:56

O yaayaq oxe xe garaa took um, kaam ee oxe garaa took Babilon. A salma-koor ake ten a naange nuus, a qali ke den a ƥolel calit, yaam o Yaal oxe kaa ref Roog faa na rabdaa, a ɓoxotaa oxuu refna ndabid um.

Heseki’el 35:11

ten taxu, ne ta wooritna yee mexe ñoowaa, mi o Yaal oxe na refkaa boo faw layun, xam fesoor deŋ nen fuux le fo ciis ne fesoortoona fo mbañir of fa den, too xam andnoor a den a xoox es, yaa um hate’kang.

Yowel 2:1

Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

Amos 5:18

Ndaw sabab took nuun, nuun we na tayaa bes fee no Yaal oxe! Xar nu cungtan, ye ta refeerna bes a qoolaand, ndax a ref bes o niɓaan?

Amos 5:20

Ne laytanuuma a nuun, bes fee no Yaal oxe, bes o niɓaan a refkaa, jegkee a qoolaand a leng.

Esteer 9:25

Kaa koy, yaa o maad oxaa a yegna kaaga, a bindnoora kebil nqas, soo paaxeer ke Haamaan a yuuɓan’ina Yaawuur we, a sagoox took um, soo ta rokel o ƥaak no cok, a lokel no reex laa, ten fo xa ƥeem.

Xa peƭit axe 5:22

Njofaƭar ne no soxodu xe kaa damnooran, a cengir ake no pakaad ke ten a naangin nuus.

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.