Abjaas 1:14 - NQAARIIT NE ROOG

¹⁴ War’iro ɗegooxaa no ƭat-sal ke, war we na ƈufaa, too war’iro ɓoxot o pañ oxe we ƥostooxna ye fa naqad fee.»

Abjaas 1:14 Referans Kwoze

Abjaas 1:12

Wo xeet fee Edoom, ba o sawar no njom ne no fog of, felakinoox ye fa yaq fee no Yuuyudaa we, xaadnoox a den, yaa da njegna naqad!

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Esayi 37:3

Weene a laya a Esayi yee: «Keeke Hiskiya a layu: ‹Bes fene, bes naqad fo a qaw fa gaci a refu, ne ta layteel ee: Xa qeq axe mbudeena a mbade o ñoot, ndaa doole fa ñootir jegee.

A kim a tedu ke 31:8

Kaam felakinoox, jeg o ɗaay, yaam ne fexaxamoona, ga o torox es soo anddilooxaa naqad es.

Mberaand 35:3

Xan i inoox, ndet Betel. Xam maxan maaga o sadaxand a Roog fee ƴufig’axama a koom alaa fa naqad es too a reeƭu fa mi na ñaaƈ ale mi.»

Mace 22:9

Ndetyo boog na xa salit axe fo na ƭat ake, too nqoy we nu nga’kaa fop.›

Esayi 16:3

«Cooxi a in o as too heboox, ndax o dimle a in. Yookti a in a saytax of njoloor o mbuc, ne o yeng ole a letnitaa yook um. Ɗasni we laqooxna, too ba o lalit we ƥostooxna.

Esayi 16:4

Xaƴi we suteena saax le Mowaab, da ngen me wo. Ci’i a den maa da laqooxna o yaayaq oxe boo yaa toroxat ne a watkaa, a ƭom-yedar ake a mbaaf, soo oxe na ruudnaa a sutoox saax le.