Abjaas 1:11 - NQAARIIT NE ROOG

¹¹ Nu maad’a a koom alaa wiin jan a ndokna na xa ton-maax axe Yeerusaleem, a nqaajir we ngenna teen na pexey mbanjang ne, a ƥis a den gilaa saax took o hup doole, too nu mbog’a teen sax, nuun itam.

Abjaas 1:11 Referans Kwoze

A kim a tedu ke 137:7

O Yaal oxe, ba o weecit ke Ee-edoom we a mbi’na a koom alaa Yeerusaleem a jaɓeena. Kaa mbalalooxoogu yee: «Mbayteenoo, mbayteenoo boo na per ake ten!»

Nahum 3:10

Yaag oo toox de, we ngen’ina teen a ƥise gilaa saax took o hup doole, a ndamel mbaƭ. Xa qeq axe ten kaa nduguñ’el no kooñ ke no ped ke fop. Kelfa ke ten a lasre na pexey mbanjang ne, wiin maak we ten fop a njengel.

Yowel 3:3

Xam lalit comlaand na asamaan fee fo took lanq ke, ta ref po’oy fo fiɗel fo fo suun olaa fi’na a eel.»

A kim a tedu ke 50:18

O ga’angaa o kuuɗ, o xaariitoor fo ten, soo ref o yoon no seeseeq we.

2 Maad we 25:11

Cinj kaaga, Nebusaradan fee adooxan’ina yeeyetax we a ɓisa gilaa saax took o hup doole we yoq’ina na xeet fee maad’ina o ngenaa na teeru fee fo we ƥoxotoox’ina no maad oxe Babilon fo faan falakaand le.

A kim a tedu ke 83:5

a ndamtin ee: «Acayo i moocandik xeet feene, ndax gon le Isra’el wetandooxkataand muk.»

A kim a tedu ke 83:6

Kaa nga’raa, a mbog yiif leng, ndax da ngiɓoor fa wo.

Heseki’el 35:10

Feek kaa o lay ee: ‹Xam jaɓ qeet ƭik kene, ndefna Isra’el fa Yudaa fo a saax a ƭak ake den, too xam jegat a den›, ke o Yaal oxe a genna teen fop oo,

Amos 1:6

Keeke o Yaal oxe a layu: «Felaam o jaf no Fiifilista we Gaasa a caf a tadak boo na nahak sax, ta dak no paaxeer. Kaa mbokataa a yaj no faɗ, a njikooxaa a den no saax laa Edoom. Ten taxu o ɓay es ole yoɗooxna waagee ñak o dal:

Amos 1:9

Keeke o Yaal oxe a layu: «Felaam o jaf no Feefenisi we ngenna Tiir a caf a tadak boo na nahak sax, ta dak no paaxeer. Kaa njikoox no saax laa Edoom a yaj no faɗ, o fog ole dalnit’eena ngiɓoor a mo a yiif den. Ten taxu o ɓay es ole yoɗooxna waagee ñak o dal:

Sofoni 2:10

Keene xan a dal a den yaam a magnandax den, yaam kaa mben soo a ŋañ xeet fee no Yaal oxe Hupna fop.