Abjaas 1:1 - NQAARIIT NE ROOG

¹ Mbeeñil ne Abjaas. Keeke refu ke o Yaal oxe na refkaa boo faw a layna took Edoom. I ndaawa o nan olaa inoorna no Yaal oxe, ta jeg oxaa luliideena ndeer qeet ke yee: «Inooxyo i ndet, songik a Edoom.»

Abjaas 1:1 Referans Kwoze

Esayi 30:4

A soƥangaa sax ee kelfa ke nuun kaa mbadiid Cowaan boo a ƈut, soo we nu lulna a ndok Xanes,

Esayi 21:11

Ke layeena na Edoom fee naagna yereŋ: Falaloorteem Seyiir ee: «O yeeyetax oxe, mam o yeng ole a tolooxu? Kaam ee mam o yeng ole a tolooxu?»

A kim a tedu ke 137:7

O Yaal oxe, ba o weecit ke Ee-edoom we a mbi’na a koom alaa Yeerusaleem a jaɓeena. Kaa mbalalooxoogu yee: «Mbayteenoo, mbayteenoo boo na per ake ten!»

Mark 13:7

Boo nu nanna coow xire, nan wiin we a laytaa kaa farna na xire, ba nu njaaxiɗ, yaam keene a wara o xew, ndaa refkafulee muukandoong ne.

Mace 24:6

Boo nu nanna coow xire, nan wiin we a laytaa kaa farna na xire, ba nu njaaxiɗ, yaam keene a wara o xew, ndaa refkafulee muukandoong ne.

Mise 2:13

Oxe na halkaa a ƭat ale xan a adooxan a den. Xan a sex o gur, a ndeef no ndokand ne, a sutoox. O maad den xan a fodan a den mbaambir, o Yaal oxe xan a adooxan a den.

Yeremi 51:46

Ba nu ñak njambaar, too ba nu saɗar xa nan axe na ndiiraa kam saax le. Saƭikyo, nu ndaawangaa o nan oluu ta waagna waag o ref, rend oo, mbaan oo, a ƭom-yedar ake a maadooxangaa sax oo, soo o keegetand a rondand o keegetand o kend um nen o maad.

Yeremi 25:21

– Ee-edoom we, Moomowaab we fo Aa-amon we,

Yeremi 25:17

Jangtaam o feeƭ ole no ɓay no Yaal oxe soo yernin qeet ke ta lul’axama fop.

Esayi 21:12

O yeeyetax oxe a doona yee: «A feeda de, ndaa no yeng ole i maadu. A soƥangaa yee kaa nu mbug o laamit, laamityo, saktooxyo too ngar.»

Mberaand 25:30

Esawu a laya a Yakoob ee: «Kaam xeɗang o ci’aam no cosoñ o mbomu nqe wo um ñaam, yaam kaam xij lool.» Ten taxu Esawu a lastiteel Edoom.

Mberaand 36:8

Neene, Esawu fee xoyoogahineena Edoom a genka na xa coong axaa Seyiir.

Mberaand 36:9

Keeke ndefu a kon ake na xa taan Esawu fee o taan no Ee-edoom we, ngenoogna no joong olaa Seyiir:

Heseki’el 35:1

O Yaal oxe a daawnaxam fa lay um na xa ƭelem axene: