3Saŋ 1:9 - NQAARIIT NE ROOG

⁹ A jega o leetar olaa binduuma gimu we no saax nuun, ndaa andaa Joteref: O kiin oxaa na gindreel a adax a refu, ten taxu ta fañ o reef ke xeɗooxooguuma a den.

3Saŋ 1:9 Referans Kwoze

YEGIL MBAAX NE YEESU ne Lik a bindtuuna 9:48

a lay a den ee: «Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, a genara oxe luliidaxama. Oxe moƴna o neew a ndeer nuun koy, refu oxe moƴna o magin.»

Mark 9:34

Kaa koy, a naanga cel, yaam na ƭat ale kaa ñimatiroogu a ndeer den, ndax da and oxe hupna.

3Saŋ 1:8

Ten taxu, in we ngimna, i mbara o ndalnaa wiin um, ndax i ndaar, ndend fa den no qol ole no ndigil ne.

O leetar ole Pool a bindna GIMU WE NGENNA ROM 12:10

Mbexiryo a ndeer nuun ne o fog a mbexritaa. Niwiryo, too sawar teen.

Mark 9:37

«Oxuu genarna o ndeɓandoong o ndutuuñ o mbodu nene yaam mi, mi a genaru, too oxuu genaraxama, refee yee mi a genaru, ndaa oxe lulaxama.»

Mace 7:8

Oxuu xeɗna a Roog, xan a ci’el, too oxuu waaƭna, xan a ga. Oxuu koŋ-koŋinna, xan a wetanel.

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.