3Saŋ 1:8 - NQAARIIT NE ROOG

⁸ Ten taxu, in we ngimna, i mbara o ndalnaa wiin um, ndax i ndaar, ndend fa den no qol ole no ndigil ne.

3Saŋ 1:8 Referans Kwoze

3Saŋ 1:10

Feek neene a fi’tu koy, boo Roog a ɓisiidaxama, xam feedin a pi um mbaambir no fop. A jega a ƭelem a paaxeer a mayu kaa ta feranaa a in, keene deyiran ta fañ o genaraa gimu we na ngaraa, too sax a jega kaa moƴna faaxaƭar keene fop. Ten refu yee fañee o genar a den soom, a day teen, ndaa kaa xañtaa lakas we mbugna o ngenar a den ee ngenarkee o leng, soo we na ngenaraa a den, ta sut a den mbokatax ne no gimu we.

Filemon 1:24

Mark fa Aristark fa Demas fa Lik, we ndefna yoon es no calel ke, den oo, owe simnang itam.

Filemon 1:2

in we simnang, wo fo o cigeen in Afiya fa Arkip fee o yoon in no ke i ngomreel yaam o ngim onqe, simnaa itam mbokatax ne no gimu we refna no mbind of.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Kolos 4:11

Yeesu fee da lastitaa Yustus oo, oxe simnaa a nuun. Ndeer Yaawuur we, weene soom ndefu we na njalaa fa mi, ndax Maat ne Roog a joot. Yaaloor saƭku a ndefu na mi.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

2 Korint 8:23

Tiit o mat, kaa ref o yoon es oxaa na jalaa fa mi yaam o njiriiñ nuun. Fog in weene koy, kaa ndef we pokatax ke no gimu we a lulna, too kaa njalaa ndax Kiristaa a ɓoxoteel o ndam.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

YEGIL MBAAX NE YEESU ne Lik a bindtuuna 11:7

Maaga, ndax xan a doonin ee: ‹Jegiim o daaw of! Wegaam boo ƴut, too kaa refeerna keene sax oo i mbondooxa, mi fo xa caaƈ axe. Waagiim o inooxiid cooxong puuru.›

Mace 10:40

«Oxuu genarna a nuun, mi a genaru, too genaraxama a genara oxe lulaxama itam.

Mace 10:14

A ngenarangee a nuun, nan-gilooxee fa lay nuun, fat nu sutoox mbind naaga mbaat teeru faaga. Yirifyo fo ut a caf nuun, ta ref seede took den.

3Saŋ 1:7

Weene koy, gon no Yaal oxe Yeesu Kiristaa inu a den, da mbaare’aa, a ndetaa, ndaa njangkee ci’it no xaa refeerna o kimu na Kiristaa.

3Saŋ 1:9

A jega o leetar olaa binduuma gimu we no saax nuun, ndaa andaa Joteref: O kiin oxaa na gindreel a adax a refu, ten taxu ta fañ o reef ke xeɗooxooguuma a den.

A kim a tedu ke 94:16

Ndi an na faritkaxam no soxodu we, a layooranaam fo fiifi paaxeer we?