3Saŋ 1:11 - NQAARIIT NE ROOG

¹¹ Wo fee fexuuma o mat, ngela ba o laal paaxeer. Fat paax soom a ref o ɗeendoor of. Oxe na ñoowaa na pi a paax, o ndeɓandoong Roog oo, ndaa oxe naageerna o reefaa paax, matee a Roog.

3Saŋ 1:11 Referans Kwoze

A kim a tedu ke 37:27

Goƭatiri fo paaxeer, fi’aa paax, yaaga xan o gen no saax of boo cay,

Efees 5:1

Nuun we ndefna xa teɓandoong Roog axaa ta fexna, laaleenoo no keene.

1 Piyeer 3:11

Fat a goƭatir fo paaxeer, soo a fi’aa paax. Fat a waaƭ jam, a reefanin.

YEGIL MBAAX NE YEESU ne Saŋ a bindtuuna 3:20

Oxuu refna a anda yee oxaa na fi’aa paaxeer bugee maa xoolna, too kaa laqtooxaa a qoolaand ale, yaam ndik a pi um a nguytoox.

A kim a tedu ke 34:14

gayi ɗelem of boo laykee paaxeer, gay muuceek of itam na ƭelem a naanax.

1 Piyeer 3:13

An na ñagadilkaa a nuun boog, yaa nu mbaajaa o mbi paax?

2 Timote 3:10

Wo o mat, reefaa a cangin es fo a ñaaƈooƭ es, ref o paar o nand es. Andaa itam o ngim es fo o muñ es fo o mbeq es fo o saƭkel es

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

1 Tesalonik 2:14

Fog es, kaa nu nand ndiiki fo pokatax ke no we ngimna no Yaal oxe Kiristaa Yeesu ndefna kam Yudee. Gentand nuun ŋaƈit a toroxanda a nuun, ne Yaawuur we a toroxandit’ina pokatax keene.

1 Tesalonik 1:6

Nu ndefata we na laalaa a in tigi, soo laalaa o Yaal oxe. Ke fa lay um a ɓisiidna ɓisiid coono fop oo, yaqanee nu njaɓaan fo o ɗaay ole Yiif Tedu le a ci’taa.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

A sutax ale 23:2

Baa wiin mayu a soobong, a mbi’noorong paaxeer, too ba o bug o yoon fo wiin mayu a tax o ɗap ndigil ne, yaa fo layoor.

Hebre 6:12

I mbugee nu tayil, ndaa fat nu laalaa we ngimna na Roog, too a muñ, yaam kaa ndaawaa ke Roog a regitna.

1 Korint 11:1

Ndeefyo o jaf es, ne um reeftaa o jaf Kiristaa.

1 Korint 4:16

Me ta refna, keeke rek um xeɗaa a nuun: Ngela laalataamoo!

Xa peƭit axe 12:11

Oxuu xooxna o qol um a jeg ñaamel teyu, oxe na ƴufanaa xa koɓong o mat kaa ñak-xoox.

Filip 3:17

Fog es, nuun fop, laalakinooxaamoo, ndoon a kid nuun no we na ndeefaa xa caf in.

1Saŋ 3:10

Mene xa ƥiy Roog fo xa ƥiy no ƈiƴ oxe a andditkeel: Oxuu geneerna no fi’aa cofu, too fexee o pog um, fogee na Roog.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.