3Saŋ 1:10 - NQAARIIT NE ROOG

¹⁰ Feek neene a fi’tu koy, boo Roog a ɓisiidaxama, xam feedin a pi um mbaambir no fop. A jega a ƭelem a paaxeer a mayu kaa ta feranaa a in, keene deyiran ta fañ o genaraa gimu we na ngaraa, too sax a jega kaa moƴna faaxaƭar keene fop. Ten refu yee fañee o genar a den soom, a day teen, ndaa kaa xañtaa lakas we mbugna o ngenar a den ee ngenarkee o leng, soo we na ngenaraa a den, ta sut a den mbokatax ne no gimu we.

3Saŋ 1:10 Referans Kwoze

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

Xa peƭit axe 10:10

Oxe na waraa a ngid kaa oraa naqad, oxe na layaa ƥooɓodaxir a ƴufanaa a saŋkax um.

2 Korint 13:2

Mosaanum o lay a nuun no jaf o ɗikandeer es. Xaye fee refeeruuma meene, mexe dakooxahinan o lay a nuun, nuun we miñna na bakaad fo nuun lakas we fop ee: Boo dakooxiiduuma, wootooxkiim o leng,

YEGIL MBAAX NE YEESU ne Lik a bindtuuna 6:22

Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.

Xa peƭit axe 10:8

Oxe jegna yiif a jaɓa o asel, oxe na layaa ƥooɓodaxir o mat a ƴufanaa a saŋkax um.

3Saŋ 1:5

Wo fee fexuuma, ngor tigi lalto, ye dalnoona we i mbogitna o ngim, boo no gimu lakas waa inoorna no saax jan.

YEGIL MBAAX NE YEESU ne Saŋ a bindtuuna 9:22

Kaa lay’u keene, yaam a saɗaraa aa-adax we no Yaawuur we. Weene kaa ngukir’u yee oxuu layna yee Yeesu refu Kiristaa fee o Muumucil oxe regteena, xan a sutel no mbokatax ne no Yaawuur we.

A pi ake 1:15

Na pe akaaga, Piyeer a inooxa a ndeer no fog olaa. Waa mbokatoor’ina a ndeeƭa ngap wiin teemeed fo wiin qarɓeen ƭik. Maaga, Piyeer a laya a den ee:

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

1 Timote 5:13

Neene koy, a njegatangee maa da ndamna, xan a ndalfoox o ndef no ndokaa, a sutooxaa. Ndamkee soom no ñak maa da ndamlooxna, ndaa xan a mayat fa lay, a yuuɓanaa lakas we kaa o leng a andeerna, a layaa kaa a ƭat den a yongeerna.

2Saŋ 1:10

Oxuu layiidna a nuun paru na Roog, too jangnee keene, baa dal no mbind nuun, too ba nu simnin sax,

2Saŋ 1:12

A jega lakas mayu kaa buguuma o lay a nuun, ndaa bugiim ta ref no leetar. Ke moƴanaxama refu um gar i njasnoor lay, o ɗaay in a ñak sik.

3Saŋ 1:3

Kaam jeg o ɗaay lool, yaam ye we ngar’ina saax nuun a ngatna, a mbetandooxaxam ndigil ne o ñaaƴnaa, too ta sax na wo itam.