2 Timote 4:5 - NQAARIIT NE ROOG

⁵ Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

2 Timote 4:5 Referans Kwoze

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

2 Timote 2:3

Jaɓi o coono fa mi nen o qiixire o paax Kiristaa Yeesu.

Kolos 4:17

Layanaamoo a Arkip ta foŋik calel ke o Yaal oxe a doxnuuna, ndax ta waagin o jalit ne ta waritna.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

A pi ake 21:8

No feet olaa i inoora maaga, ngar na teeru faa Kesare, soo ndok no mbind Filip, ndal maa ten. Filip feene koy, o baawaare Yegil mbaax ne a reeƭu, a ref o leng no goor ɓetuu ɗik waa njilit’eena Yeerusaleem.

1 Timote 4:15

Dami no keene a paax, saaƭoox na den, ndax a koorgoorlax of a woor fop.

1 Tesalonik 5:6

Ba i ƭaan boog nen lakas we, ndaa fat i yetoox, too mbod no ke i mbi’aa.

Mbeeñil 3:2

Yokooxi boog too difi onqe yoqɗoona no ñoow of, bo o helko fo xonaa ɗoŋ, yaam ga’aam ee a pi of ndeyee mbaambir Roog es.

Efees 4:11

O ten cooxu wiin we ci’it pogreer ke. Kaa ci leng we, da ndef apootar, wene, ta ci a den, da njo’tanan, waana waawaare Yegil mbaax ne mbaat gaynaak no gimu we mbaat jaajangin.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

YEGIL MBAAX NE YEESU ne Lik a bindtuuna 12:37

Faɗ we o yaal den a soƥkaa da yetooxaa a ƭaaya! No ndigil, mexe layaa a nuun ee: Xan a humnoox boo yee ŋaƭ, a diƈ a den, soo a matiid ndax ta dagoox a den.

Mark 13:37

Ke um layaa a nuun, fop um layan: Yetooxyo!»

Kolos 1:25

Kaam doonel jalanan, ta ref a ref ke taxna Roog a doonaam a ndeer nuun, ndax um yegnit fa lay fee Roog ta dey sik.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

Mark 13:34

Xan a nand nen o koor oxaa na ñaaƴkaa, a xaƴ mbind um, a doxnin faɗ um, oxuu refna fo calel um, soo a sim o paɗ oxe na yetooxaa a carind ale ta yetoox a paax.

Heseki’el 33:2

«Wo fee o ƥiy no kiin, layi fo wiin we na xeet of! Fat o lay a den ee: Um ɓisiidangaa xire took saax, soo xeet fee no saax le a nqot o koor o leng a ndeer den, a ndalnin nen o yeeyetax,

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›

Esayi 62:6

«Wo Yeerusaleem, doonaam yeeyetax no saŋe ke wo. Mbaree o tiim muk koy, ta ref ñaal mbaat o yeng. Nuun we na ƈufginooxaa o Yaal oxe, ba nu ñootnoox sen.

Heseki’el 33:7

Wo fee o ƥiy no kiin koy, dalnaaxoong nen o yeeyetax took mbind Isra’el. Fat o nan-giloox fa lay fee na sutooraa no don es soo maƭooxanaam a den.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

Mace 25:16

Ndak fo ndak, oxe doxin’eena xa qanjar xa ƥetaq a reta, soo a rimand a den boo a jegat xa qanjar xa ƥetaq xa lakas.