2 Timote 4:3 - NQAARIIT NE ROOG

³ Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

2 Timote 4:3 Referans Kwoze

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

Galati 4:16

Ndax ndiiki kaa nu mbi’aam o pañ nuun, yaam ndigil ne layuuma a nuun?

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

YEGIL MBAAX NE YEESU ne Lik a bindtuuna 6:26

Ndaw sabab took nuun, yaa wiin we a layanna a nuun paax ƥor, yaam neene o mat daan den a mbi’anoogu duleer maamaaɓ we.»

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

YEGIL MBAAX NE YEESU ne Saŋ a bindtuuna 8:45

Mi koy, ne um layaa a nuun ndigil taxu nu ngimee na mi.

1 Maad we 18:22

Eliya a ɓaata o lay xeet faa yee: «Mi doŋ yoqu o tuleer no Yaal oxe, ndaa duleer we Baal a mbada teemeed nahik fo qarɓeen ƥetik.

1 Korint 2:1

Fog es, kaam bug nu and ee ye garuuma me nuun, yegnitiid fa lay fa kunpa’u fee Roog, reeƭee yee kaam gar’u, ndax um lal a nuun o fel-o-ɗek es mbaat o jeg-yiif es.

A pi ake 17:21

Yaam Aa-aten we fop fo xa kataakoon axe ndeeƭna maaga, muu da moof’ina, tig qas rek a laytoogu, too a nan-gilooxan.

Yeremi 29:8

Yaam keeke o Yaal oxe Roog fee Isra’el Hupna fop a layu: ‹Ba nu nqaƴ duleer we fo ɗeet we ndefna a ndeer nuun da nax a nuun! Ba xa ƭaaɗ axe nuun a ngaal a nuun.

Esayi 28:12

Yaag oo toox de, a lay’a a den ee: «A ñootnax ale xey, nqaƴyo oxe xijna ta ñootnoox! O ɓutnooxand ole xey!» Kaa koy, mbug’ee o nan-giloox.

Yeremi 27:9

Nuun koy, ba nu nan-giloox duleer we nuun, ɗeet we nuun, ɗaaɗaaɗ we nuun, maɗag we nuun, ñaañango we nuun, den we na layaa a nuun ee: ‹Nu ndagooxkee o maad oxe Babilon.›

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

YEGIL MBAAX NE YEESU ne Lik a bindtuuna 20:19

Jaajangin waa no kebil ke Moyiis fo saasadax maak waa a and’a a paax ee den taxu Yeesu a laytaa a naxax alaaga. Ten taxu kaa mbaaƭoogu maa da ndoonitna a Yeesu o ɓay na waxtu faaga sax sax ta layoogna, ndaa kaa saɗar’u xeet faa.

1 Maad we 22:18

O maad oxe Isra’el a laya a Yosafat ee: «Lay’aaxoong o ten, mosiraam o yegin paax muk, paaxeer doŋ a yegnaxam.»

1 Maad we 22:8

O maad oxe Isra’el a doonaan ee: «Aha kañ, a jega o lakas de! Kaa koy, kaam sibin, yaam paaxeer rek a yegnaxam, mosiraam o yegin paax muk. Ten refu Mikaya fee o ƥiy Yimla.» Yosafat a layaan ee: «Ba o lay keene!»

A sutax ale 32:33

O Yaal oxe a doona a Moyiis ee: «Oxe tooñaxama um foritkaa no safe es.

Esayi 30:10

Kaa da layaa ɗeet we yee: ‹Nu njaree o njegaa peeñax!›, a lay duleer we yee: ‹Ba nu yegin a in ndigil ne. Ke moƴanna a in, refu i layeel pelu soo yegneel kaa guutatirna fo ndigil ne.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»