2 Timote 4:1 - NQAARIIT NE ROOG

¹ Mexe maƭooxang mbaambir Roog fa Kiristaa Yeesu fee warna o hate ñoow we fo xon we, maƭooxang itam took a kar um fo maat um ee:

2 Timote 4:1 Referans Kwoze

A pi ake 10:42

Yeesu feene koy kaa hebil a in i mbaare’aa xeet fee, too seede’aa yee o ten Roog a dodu oxe na hate’kaa ñoow we fo xon we.

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.

1 Timote 5:21

Mexe gaañtang kene mbaambir Roog fo mbaambir Kiristaa Yeesu fo mbaambir malaaka tedu ke: Ngela horooxi keene. Fat o fañ o lay dara yaa ga’afuleeroona tig, too ba o farit o leng itam.

2 Timote 2:14

Wetandi keeke we o jangnaa, maƭoox a den mbaambir Roog, da mbaas xa ƭelem axe da ndapatinaa no ñimatir ke den. Keene ɗaxee dara, a refangee a mo’andaa we na nan-gilooxaa.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

1Saŋ 2:28

Ndiiki koy, xa teɓandoong es, ngenyo no ten, ndax nu njeg njambaar, yaa ta feeñkaa, soo ñak o sed, yaa ta garkaa.

1 Piyeer 4:5

Xan a njangtoox a pi den mbaambir Roog fee na hate’kaa ñoow we fo xon we.

1 Piyeer 1:7

Keene waru, yaam wurus fee nayneena na fiɗel sax, xan a sooƴ. O ngim onqe moƴu o jeg wurus fee o njiriiñ. Neene itam a ɗeetlooxe nen a wurus fee, ndax ta lalit ee ndigil oo. A reftangaa neene, xan o ngim nuun a tagasel, a fakel soo a niwel, yaa Yeesu Kiristaa a nomtooxiidkaa.

2 Tesalonik 2:8

Maaga, xan mbir ne no njofaƭar ne a feeñ. Kaa koy, xan o Yaal oxe Yeesu a wuuɗin ta fi fo ut, soo a sooynin na pexey a qoolaand ale na kar um.

O leetar ole Pool a bindna GIMU WE NGENNA ROM 2:16

Neene a refitkaa na bes fee Roog a hate’kaa na pexey Kiristaa Yeesu a pi a ƭasne ke no wiin we. Keene refu ke Yegil mbaax ne doxneema a layna.

A pi ake 17:31

yaam a dama bes fee ta hate’kaa adna fee fo o cofel, na pexey o kiin oxe ta jooxna. A lala wiin we yee keene booru yoo, ye ta xontooxnoorna o kiin oxeene a ndeer no xon we.»

A kim a tedu ke 98:9

mbaambir no Yaal oxe, yaam oxe garaa, ndax ta maadoox took lanq ke. Xan a maadooxanit adna fee o cofel, qeet ke, ta maadooxanit a den a ƭat.

A kim a tedu ke 96:13

mbaambir no Yaal oxe, yaam oxe garaa. Oxe garaa, ndax ta hate adna fee. Xan a maadooxanit adna fee o cofel, qeet ke, ta maadooxanit a den ngor um.

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

YEGIL MBAAX NE YEESU ne Lik a bindtuuna 23:42

Maaga, a laya a Yeesu yee: «Yeesu, ngela wetandooxaam yaa o rokkaa no maat of!»

YEGIL MBAAX NE YEESU ne Lik a bindtuuna 19:15

Yaa o kiin o maak oxe a nomtooxiidna, a soƥ ta sog o refaa o maad, a xoyna paam um faɗ we ta doxin’ina xaaliis fee, ndax ta and ne o kiin oo kiin na den a rimandit’ina xaaliis um.

YEGIL MBAAX NE YEESU ne Lik a bindtuuna 19:12

A laya boog ee: «O kiin o maak ñaaƴkoogu na saate fa ngoƭu ndax ta dodoox o maad, soo a nomtooxiidkaa.

Mbeeñil 1:7

«Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

2 Piyeer 1:17

ye ta daawitna o niwel fo o ndam na Roog Faap fee. Kam o ndam o mayu katil onqe ten, Roog a nannooraan o ñuxur olene: «Oxene refu o Ƥees onqe fexuuma fex, too no ten felakinoortum.»

Kolos 3:4

Yaa Kiristaa fee refna o ñoow nuun a feeñkaa, nuun itam, xan nu mbeeñ fo ten no ndam.

A kim a tedu ke 50:6

Asamaan kaa yegnitaa o cofel um, yaam Roog refu o Kaahate. A maaf

2 Timote 1:10

Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.

2 Timote 4:18

Xan o Yaal oxe a muclaam no pariƴ kuu ndefna, a muclaam ndax um rok no Maat um naa na asamaan. Yaasam ta ɓoxotel o ndam bo na moos boo moos. Amiini.