2 Timote 3:8 - NQAARIIT NE ROOG

⁸ Ne Yanes fa Yambres a mbañit’ina a Moyiis, wiin weene a mbañitkaa ndigil ne, yaam kaa nqon a yiif, too o ngim den refee tus.

2 Timote 3:8 Referans Kwoze

Mbeeñil 2:20

Kaa koy, a jega kaa ɗomaxama na wo: Kaa o waas o tew oxe ne’eena Isebel na layooxaa o tuleer Roog, soo a naxaa dag we mi. Kaa jangnaa a den ee da seeqaa, soo a ñaamaa a tegeƴ akaa sadaxeena pangool.

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

A sutax ale 7:11

Firawon fee o mat a xoyna ɗeet we fo ñaañango we Misira. Yaal-o-and weene koy, a mbi’a leng kut ke Aaroon a fi’na.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

2 Timote 4:15

Wo itam, fat o wootooxin yaam bugee o nan tus no ke i njangnaa.

Efees 4:14

Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

1 Timote 4:2

Xan a ndeɓoox no jaajangin yememaar maamaaɓ we na mo’noorkaa a den. Jaajangin weene koy, a yiif den kaa nqon, nen kaa doxteena njelem saasu.

1 Timote 1:19

geek o ngim onqe fo yiif jeejooxeer dara. Yiif leene koy, a jega waa naanguuna buc, too kaa ngido kalte o ngim onqe.

O leetar ole Pool a bindna GIMU WE NGENNA ROM 16:18

Yaam wiin nandu neene, refee yee Kiristaa fee o Yaal in a ndagooxaa, ndaa xa pud den sax sax a ndagooxaa. Kaa ƈiƴtitaa a yiif no gimu we fa lay fa mbelu fa naanaxir.

Mbeeñil 2:6

Kaa koy, a jega kaa felaxama na wo: Nen a mi, kaa o sib a pi ake na qaaj ale na reefaa a cangin ale Nikolawus.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

Tiit 1:10

A jega koy mayu waa nanaƭarna too a naxtaa wiin lakas we fa lay fa njegee xoox. Wiin weene koy, owe moƴa o mayit no Yaawuur we ngimatna.

A sutax ale 8:18

No ñaal naaga, xam jekit saax laa Goseen, me xeet es a genna. A baxal a leng jegkee maaga, ndax o and ee mi o Yaal oxe, mexey a ndeer saax leene.

A sutax ale 7:22

Yaal-o-and we Misira a mbi’a leng kut ke Aaroon a fi’na. Firawon fee a ŋaja too nan-gilooxee a Moyiis fa Aaroon, ne o Yaal oxe a layit’uuna.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

A pi ake 15:24

I nana yee leng-leng no we inoorna na in, i ngebleerna tus no kaa farna no keene, owe njom’andaa a nuun, too a ngal’andaa a nuun fo fa lay.

A sutax ale 8:7

Xan a paaɓ ake a ndiƈatooxong, a ndiƈatoox pind of, a ndiƈatoox dag of soo a sutoox saax of. Ake no xuluɓ ole rek na yoqkataa.»