2 Timote 3:6 - NQAARIIT NE ROOG

⁶ A jega na den waa na ndokaa kam pind ke, a ƭooqlooxaa rew we yooɓna naxel, pakaad den a mbiiqilna, a yuxum a pagkatar a maƥ a den.

2 Timote 3:6 Referans Kwoze

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

2 Piyeer 3:17

Nuun we fexuuma, nu maƭooxe keene. Nu mbara o mbootoox, ndax wiin weene na mo’andaa maafkee a nuun boo nu ñak o saƭik no ngim onqe nuun.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

1 Korint 12:2

Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

Mark 4:19

ndaa a qalaat ake na adna fee fo ne halal adna a ƴiƴtaa a den fo a yuxum ake no ñoow ole kaa ngoñaa fa lay fee boo mbaagkee o ndim.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

1 Timote 6:9

We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.

Mace 11:28

Ngaryo me mi nuun fop, nuun we nqijna too meɗel, ndax um ci a nuun a ñootnax.

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

A kim a tedu ke 38:4

Dara naagatee ceŋ no cer es yaam fuux le wo, um ɗomeel ne fodeema fop yaam bakaad es.

Mace 4:24

Gon um a joot’a kam Siri fop, too a ɓisiidooge waa a cir fo xa ƭomel xa pagkatar a ndamna. A jeg’a waa cini a ndamna fo o mbeƭfeƭin fo wiin waa ƥoofna, too a waadna a den.

1 Timote 5:6

O ñaaw oxe andoona koy ee kaa ñoowaa na baneex, kaa xon ɗoŋ, ke ta xuƥaa fop oo.

Mace 23:14

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu njaɓaa ke ñaaw we a njegna fop, yoonandtin a qeƭ a ciig, ndax nu ƭeetel nen jofu. Ten taxu, nuun na moƴkaa o ƭomiɗ hate.]