2 Timote 3:2 - NQAARIIT NE ROOG

² Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

2 Timote 3:2 Referans Kwoze

Filip 2:21

Fop, ke faaxna na qoox den rek a mbaaƭaa, a mbañ o mbaaƭ ke jofna na Yeesu Kiristaa.

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

Yudaa 1:16

Kaa ndef wiin waa na ñunqumtooxaa, a ƭomatooxaa, a ñoowaa na yaaw a paaxeer den, a laytaa a magnandax, soo a laasaa wiin we, yaam a mbug o njegit na den tig.

2 Timote 3:4

Wiin we no ñaal palakaand ke xan a ndef taatas yaakaar itam, a mat a qeeñ, o mbeq den fop a jagin na qoox den, baneex a moƴan a den a Roog.

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Saak 4:6

A ci’a a in yirmande faa hupna fop. Kaa nand nen ke layeena kam a Pind a Tedu ke yee: «Roog a faña we na magnandooxaa, ndaa a yirma we neewandooxna.»

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

1 Timote 6:4

oxeene kiin kaa magnandooxaa, too andee dara boo dara a fag. Kaa jir, laamit ñaku xoox a damin, ta dapaa fa lay, a dapatinan. Meene o mat, ciisir ke fo qasir ke fo a ben ake fo fooganaa o kiin paaxeer, a ngatu.

YEGIL MBAAX NE YEESU ne Lik a bindtuuna 12:15

Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Mbeeñil 16:11

a mbenaa a Roog fee na asamaan yaam ne da ƭomeel, too a njeg a ƭoy. Kaa koy, yaqanee da mbañ o mbes a cinj a pi a paaxeer ake den.

2 Piyeer 2:12

Kaa koy, jaajangin weene kaa nand fo muumeen-a-koƥ ke, andoona yee kaa ndimel, ndax da ndamel, soo a mbarel. Kaa mbenaa ke da andeerna. Ten taxu xan a mbartel nen muumeen-a-koƥ.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Saak 4:16

Kaa koy, nu naangee o layaa keene, kaa nu magnandooxaa, niwooxaa na fa lay. Keene faaxee,

2 Tesalonik 2:4

Kaa fapoox, soo a inooxan fop ke na xoyeel Roog mbaat ta faɗooxeel. Xan a inooxan keene, boo a ret a moof no faɗoorand ole Roog, soo a lambnaa yee Roog a refu.

O leetar ole Pool a bindna GIMU WE NGENNA ROM 11:18

Ten taxu wariro o xeef a naaq ake ƭegeena. Xar taxu o fakooxaa boog? Refee yee wo na dif’aa a paƴ ale, ndaa o ten o mat na dif’ang.

Dañel 7:25

Xan a lay paaxeer no xe Took-ee-took, a toroxand tedu we ten, a fexey o supit a pe ake fo kebil ke, too xan tedu we a ƥoxotel na xa ƥay um boo xa kiid xa tadaq fa genwal.

Mbeeñil 16:21

Maaga, a kalam a ƥuuɓu kaa andoona yee o meɗel den a fi’’a ngap kilo qarɓeen nahik, a yentiidooga na asamaan, a ndalaa took no wiin we. Weene a ndefata no mbenaa a Roog, yaam taamaala fee a teƥ aleene a fi’oogna. Taamaala feene koy, a ɗom’a lool.

Saak 2:8

Nu naangangaa o ndeefaa kebil maak ne Roog layna yee: «Fexi o kend of ne fextoona a xoox of» nu mbi’a paax.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

1 Timote 1:20

Himene fa Aleksaandar a mboga teen. Kaam ɓoxot a den a Saytaane, ndax da yaroox, too a and ee o kiin waree o wenaa a Roog.

A pi ake 5:36

No miñeer ke rek Tudaas a inooxu, a fi’ooxaa o kiin o maak, boo kaa fadna wiin teemeed nahik a ndabiidin. Kaa koy, yaa ta wareena, we ndeefooguuna fop a pictoora nen xa ƥiy tol, too layit’ataand.

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

Mbeeñil 16:9

A sumaan a ƭomu a doxa wiin we. A ndefata no mbenaa gon le Roog fee jegna sañ-sañ, too a pokoox taamaala keene. A mbañ’a o mbes pakaad den a cinj, a mbañ o ƥoxot a Roog o ndam.

Mbeeñil 13:1

Cinj kaaga, ga’aam a Ɓaanoor a sutooraa no maag olaa. A saq’a xa can xarɓaxay fo a qoox ɓetaa ƭaq, o jan oluu refna a saq o ndip, a kon a benir a Roog a mbindel na qoox ake ten.

2 Korint 5:15

Kaa xonan fop, ndax we na ñoowaa, ñoowankatee a qoox den, ndaa ndax da ñoowan oxe xonanna, soo a xontooxan a den.

Mace 15:6

yaaga soxla’katee o niw a faap um mbaat a ya um.› Neene nu ñuftaa fa lay fee Roog yaam o mbaax onqe nuun.

Esayi 10:15

Ndax foogaa moos ee ɓaax a waaga o moƴ o yaal um, ndi a si a naaga o fakooxanaa oxe na jaltan? O cap naagee wulaa oxe na yo’nan, too o guul naagee o yoɗaa oxe na jiriiñooran!

Xa peƭit axe 6:17

a kid nga’yaamoo ke, ɗelem naanax le, xa ƥay axe na ƥaxaa fo’oy jaambuur,

A kim a tedu ke 49:6

Xar na taxkaa um saɗaraa ñaal taamaala, yaa paaxeer ke no we na ƈiƴtaa a mbidaxama?

A kim a tedu ke 52:1

O yaal a ƭat ale no jeejeek we a xoolne yee a cangtax alene kaa gimeel, a fog na ke Dawid.

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

1 Timote 1:9

I anda a paax ee o nanangaa kebil a dalnel, refee yee jofu we taxu, ndaa jofaƭaru we fo luubooxu we fo soxodu we fo baabakaad we. We ngartuuna ndefu itam we niweerna a Roog, we naangeerna o ndeefaa a ƭat Roog fo we na mbaraa we ndimna a den fo waawar lakas we.

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.