2 Timote 3:11 - NQAARIIT NE ROOG

¹¹ fo ke um dooneel yaam o ngim onqe fo coono ke mi. Coono kum xetteerum Ancook mbaat Ikooñum mbaat Listeer? Ñagadil kum jaɓeerum o sufoox? Kaa koy, no kuu refna teen o Yaal oxe a muclaxam.

2 Timote 3:11 Referans Kwoze

A kim a tedu ke 34:19

O Yaal oxe xe paam no we a qeeñ den a naqadilooxna, too kaa muclaa we a yiif den a njaqna.

A pi ake 13:45

Ye Yaawuur we a nga’na faan le, a may’a fo ciis, a ndef no maaɓnaa a Pool, soo a mbenan.

2 Piyeer 2:9

O Yaal oxe a anda ne ta warna o muclit no ƭeetlax ke wiin we na ndeefan, soo wiin jofaƭaru we, ta geek a den, ndax da nqawel na bes faa na hate faa.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

A pi ake 26:22

Kaa koy, Roog a saytooxaxam boo no ñaal ne xaye, too mexey meen ndax um seede’aa fop, wiin maak we fo we neewna doole. Laytiim lakas koy, a refangee ke duleer we fa Moyiis a layna, too ta war o xew, ta ref ee:

A pi ake 26:17

Xam muclong na xa ƥay axe na xeet fee no Yaawuur we fo na xa ƥay axe no qeet lakas ke um lulkang.

A pi ake 23:10

Ne coowoor ne a moƴ’atna o jegaa doole, kelfa fee no xiixire juni we a saɗar’a yee xan wiin we a nduguñ a Pool. Naaga, a hebla xiixire waa da ndet, a sut a Pool a ndeer Mal naa, a ƥisin no saŋe naa.

A pi ake 20:19

Kaam faɗooxoogu o Yaal oxe kam a neewandax fo kam xa kooniit fo kam naqad yaam yuuƥ ke Yaawuur we a mbexeyooganaxama.

A pi ake 13:14

Den we inoor’ina Perge o mat, a ndeefa a ƭat ale boo a mbadiid Ancook kam Pisidi. Na bes faa na ñootnax alaa, a ndoka kam mbind a qeƭ naa, a moof.

A pi ake 9:16

Xam lalin ke ta warna o torox fop yaam gon es.»

Dañel 6:27

Mexe heblitaa yee me maat es a reefeena fop, fat wiin we a saɗar too a niwaa a Roog fee Dañel yaam ten refu Roog fa ñoow jok fee, too xan a ref boo faw! Maat um gefkee muk, maatax um jegkee muukandoong.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Esayi 43:2

Boo o xaañaa poofi ke, xam ref fa wo, too boo o jootaa xa quluɓ axe, ƭuudkirang muk. O xaañangaa kam fiɗel sax oo, doxkiro, too ƈulfaan ne waagankirang dara,

Esayi 41:14

O Yaal oxe kaa tee: «Ba o saɗar dara, wo Yakoob fee na xalaataa yee refiro tus, wo yoqatin fooreer le Isra’el, yaam mi na ƴufgang, mi o Tedu xe Isra’el na watkang.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

A kim a tedu ke 91:14

O Yaal oxe kaa tee: «Feek kaa saaƭoox na mi, xam muclin. Xam saytooxin, yaam a anda oxe refuuma.

A kim a tedu ke 37:40

O Yaal oxe kaa ƴufgaa a den soo a wat a den. Kaa wataa a den no soxodu we soo a mucil a den, yaam kaa njaɓnooxaa me ten.

2 Sami’el 22:49

O Yaal oxe, wo na guutatirandaxam fo fañ es, fi boo um garit noon es took soo wataxam no kiin fo’oy oxe.

2 Sami’el 22:1

Dawid a xaanana o Yaal oxe a kim aleeke, ye ta mucluuna no fañ we ten fop fo no ɓay Sawul.

Mberaand 48:16

yaasam malaaka fee wataxama no paaxeer kuu refna a barke xa koor axene! Fat da lastiteel gon es fo a kon ake no daan es Abraham fa Isaak. Yaasam da njeg xa taan xa mayu muu refna kam saax le.»

A pi ake 14:8

Kam teeru faa Listeer, a jega o koor oxaa a caf um a yeroox’ina. O mbiñ o leng a moofoogu. Kaa rimit’el ƥoof, too mosee o ñaaƴ muk.

O leetar ole Pool a bindna GIMU WE NGENNA ROM 15:31

Nqeɗanaamoo ndax um muc no gimaƭaru we ndefna kam Yudee, nqeɗ itam, ndax o ndimle nqeeke um ɓisaa xeet fee Roog kam Yeerusaleem a jaɓel a paax.

2 Korint 1:5

Ne i coono’taa mayu na Kiristaa, neene itam a yaalax in na Kiristaa a magnitu.

2 Korint 1:7

Yaakaar ne i njegna na nuun koy oxe koŋ a saƭik, yaam i anda yee ne nu njegitna a las no coono ke in, neene nu njegtu a las na yaalax ale in itam.

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.