2 Timote 3:1 - NQAARIIT NE ROOG

¹ Fat o and ee ñaal palakaand ke xan a yoonit coono ƭomu.

2 Timote 3:1 Referans Kwoze

2 Piyeer 3:3

Fat nu eet o and ee no ñaal palakaand ke, xan a jeg xaaxaadnax waa na mbugko ñaaƴaa na yaaw a paaxeer ake den. Xan a njeeraa a nuun,

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

1Saŋ 2:18

Xa teɓandoong es, waxtu fa mbalakaand fee yoo. Ne nu nanitna yee o Mbodandoor-Kiristaa xe garaa, a jega ndiiki sax fo Mbodandoor-Kiristaa fo mayu. No keene i andtu yee waxtu fa mbalakaand fee a fadiida.

Yudaa 1:17

Nuun we fexuuma koy, mbetandooxyo padafuleer ke apootar we no Yaal in Yeesu Kiristaa a yegnit’ina yaaga.

Mise 4:1

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too qeet ke xan a njagin teen.

Esayi 2:2

Xan a jeg camaane kaa, o joong ole no Mbind ne no Yaal oxe a garitkaa xa coong axe fop took, a yooroox a ñaang ake fop, too xan qeet ke fop a njagin teen.

Dañel 12:11

No ke xotina a koom alaa sadax ke na ƥoxoteel a Roog bes fuu refna a ñufkeel, soo Cakalaaru ke sibdeena a sipel, xan ñaal juni fo ñaal teemeed ƭik fo ñaal qarɓeen ɓetuu nahik a mbaaf.

Yeremi 49:39

Kaa koy, no camaane ke na ngaraa, xam nomtiid we Elam ƥiseena gilaa saax took o hup doole.» O Yaal oxe layun.

Heseki’el 38:16

Xan o songik a Isra’el fee xeet es nen eel laa na retaa a muurik saax le. Xan keene a xew no camaane palakaand ke too xam songnoorong a xeet es, ndax qeet ke a andaam, yaa um tedlandkeel na kid den na pexey of, wo Gog!

Dañel 12:7

Maaga, o koor oxe rokooxna ndoki njoor, a yooroox foofi le no xuluɓ ole, a yoɗa o ɓay um o janoon farna fa asamaan, too nanaanum ta daaɓoortaa Oxe na ñoowaa boo faw ee: ‹Keene xan a xewaa boo xa kiid xa tadaq fa genwal, too yaa doole fee na xeet fa tedu fee a fagkaa, xan muukandoong ne no keene fop a gar.›

Dañel 11:36

O maad oxe xan a fi kuu feluuna. Xan a magnandoox, a fakoox mbaambir roog ke fop. Xan a lay qedu sax a Roog fee no roog ke. Xan a jeg ne ta bugna boo yaa Roog a fuuxankan, a fadin ke ta hebooxna.

Dañel 10:14

Ndiiki koy, kaam andnooriidong ke na dalkaa xeet of no ñaal palakaand ke, yaam mbeeñil nene itam kaa jagin no ñaal keene.›

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Dañel 7:8

Ɗeetoogaam xa can axe too ga’aam o njan o ndeɓ a sax a ndeer den, soo xa can xa tadaq na xa eetaand axe a mbuuroorit mbaambir um. O njan onqe a kid no kiin a saq’u fo o don olaa laytoogna a magnandax.»

Yeremi 48:47

Kaa koy, no camaane palakaand ke, xam nomtiid we Mowaab ƥiseena gilaa saax took o hup doole. Mi o Yaal oxe a layun.» Mene ke yegniteena na hate fee Mowaab a fagtu.

Mberaand 49:1

Yakoob a xoya xa ƥeem, a lay a den ee: «Mbokatooryo, um lay a nuun ke na xewkaa na nuun taa paam.

Yudaa 1:18

A layooga a nuun ee: «Na jamaane fa mbalakaand fee, xan a jeg xaaxaadnax waa na mbugko ñaaƴaa kam a yaaw a cofaƭaru den.»