2 Timote 1:9 - NQAARIIT NE ROOG

⁹ Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

2 Timote 1:9 Referans Kwoze

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

1 Piyeer 1:20

Roog kaa jil’un yaaga adna sakafulaand, soo a feeñlanin a nuun ndiiki na jamaane fa mbalakaand fee.

YEGIL MBAAX NE YEESU ne Saŋ a bindtuuna 17:9

Den um xeɗanaa. Xeɗaniim wiin adna we, ndaa we lasaxamoona um xeɗanaa, yaam wo jegu a den.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Hebre 3:1

Ten taxu, nuun o fog ole no tedu we, nuun we Roog a xoyna, ƭeetyo na Yeesu fee Roog a luliidna, ndax ta ref o saasadax o maak no ngim onqe i mbeejlaa.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

1 Tesalonik 4:7

Yaam Roog xoyee a in, i mbi’aa caasaay, ndaa ndax i ted.

1 Korint 1:18

We na ndeefaa a ƭat a saŋkax mbi’u ñaku xoox a kurwaa le na waare’eel, ndaa na in we mucna, katil Roog oo.

YEGIL MBAAX NE YEESU ne Saŋ a bindtuuna 6:37

We Faap fee a ci’axama fop, xan a ngar me mi, too koy o mat, sutkiim muk oxaa garna me mi.

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Efees 3:11

Neene yuuƥ ne Roog a xalaat’ina yaaga, yaa fo mberaand naa, a fadnoor’u na Kiristaa Yeesu o Yaal in.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

O leetar ole Pool a bindna GIMU WE NGENNA ROM 9:24

Yaam in ndefu we ta xoyna, refee soom a ndeer no Yaawuur we ndaa a ndeer no qeet lakas ke itam.

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

A pi ake 2:47

a simataa a Roog, too a ngidman paam xeet fee fop. Maaga, bes fuu refna o Yaal oxe a ɓaatooga no fog ole no gimu we waa mucna.

A pi ake 15:18

Keene mat o Yaal oxe a layu, too ten andnoorun no mberaand naa.› »

O leetar ole Pool a bindna GIMU WE NGENNA ROM 11:14

ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

Filip 3:14

Kaam eetatireel kañ, ndax um waag o jang a laay ale took, taxna Roog a xoy a in na Kiristaa Yeesu.

2 Timote 1:1

Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.