2 Timote 1:7 - NQAARIIT NE ROOG

⁷ Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

2 Timote 1:7 Referans Kwoze

O leetar ole Pool a bindna GIMU WE NGENNA ROM 8:15

Yiif le nu ndaawna ɓekee a nuun muk no mbaƭ, boo a taxkaa nu ndefahin no diid. Yiif leene o mat refu Yiif Tedu le fi’na a nuun xa ƥiy Roog boo i nqoyataa a Roog «Aba, Faap!»

1Saŋ 4:18

Caƭar refee kam o mbeq, ndaa o mbeq o ñaku sik kaa raxaa caƭar. Muu caƭar a refna, a qaw kaa foogooxeel, too oxe na saɗaraa, o mbeq um a jega sik.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

YEGIL MBAAX NE YEESU ne Saŋ a bindtuuna 14:27

Mexe xaƴtaa a nuun jam es, kaam ee ci’aam a nuun jam es. Kaa koy ci’titinum ne adna fee a ci’titaa. Ba nu njaaxiɗ, too ba nu ndiid.

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

Xa peƭit axe 2:7

Kaa yaxandooxanaa jofu we baneex tigi, a ref pegoor no wiin wooru we.

Xa peƭit axe 8:14

Mi jegu o as ole fo o ƴiƴ ole, mi refu o and ole, doole fee a refanaam.

O leetar ole Pool a bindna GIMU WE NGENNA ROM 5:5

Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

Hebre 2:15

Neene, a wata we ndeeƭna faɗ no ñoow o ñis den fop, yaam a saɗaroogu fa nqon.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

1 Korint 2:4

Ke layuuma fa nuun a koom, reeƭee fa lay fa laalaxad xoox mbaat um jikooxaa o jeg-yiif. Kaa reeƭu fa lay faa lalitna Yiif le Roog fa katil um,

YEGIL MBAAX NE YEESU ne Lik a bindtuuna 24:49

Yaaga boog, xam fudniid took nuun ke Faap es a regitna. Kaa koy, yoqyo kam teeru fene boo yaa nu muurkeel doole fee took.»

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

A kim a tedu ke 119:80

Fat xeeñ es a saaƭoox no ke dalnoona, ndax sedkiim.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

Kolos 1:8

Ten sax layu a in o mbeq onqe Yiif le Roog a fi’na a ndeer nuun.

A pi ake 6:8

Yirmande fee Roog a mayƭanda a Eceen fa katil, ta fi’aa comlaand fo xa anddiloor xa maak ndeer xeet faa.

A pi ake 9:22

Sool koy, a moƴ’a o saƭkaa, too a jaaxɗand’a Yaawuur we ngenna Damaas, yaa ta lalaa a den ee Yeesu refu Kiristaa fee, o Muumucil oxe regteena.

YEGIL MBAAX NE YEESU ne Lik a bindtuuna 8:35

Wiin waa a ndalfooxa o ndet a ƭeetik ke xew’ina. A mbadiida me Yeesu, a soƥ o koor oxe cini a ndam’ina a moof na caf Yeesu, a rokoox tikoorik um, too a dakoox’a na sagu um. Maaga, wiin we a ndiid’a lool.

A pi ake 26:25

Pool a doonaan ee: «Koor oxe, yaag oo ɗofiim de! Fa lay no ƈiƴ tigi um layaa.

YEGIL MBAAX NE YEESU ne Lik a bindtuuna 15:17

Maaga, a refa no xalaataa, soo a laytooxaa yee: ‹Jaajal fodu num faap es a jegu, da njeg ñaamel mayu kaa da mbaageerna o paang sax, soo mi koy um ref meeke, xonaa fo nqeex!

A pi ake 26:11

Leek-leek kaam xawnooroogu a den kam pind a qeƭ ke, too jeemaa o ser a den da mbaas o ngim onqe da njeg’ina. Um fuux’angaa boo buɓaa yaam a ƭat ale den, kaam ñagadiloogu wiin weene boo suur no teeru can.»

Esayi 11:2

Xan Yiif le no Yaal oxe a ref took um, a ref yiif o and fo yiif deyu, a ref yiif aa-as fo yiif jegu doole fo yiif andu o Yaal oxe too a saɗarin.