2 Timote 1:2 - NQAARIIT NE ROOG

² Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

2 Timote 1:2 Referans Kwoze

2 Timote 2:1

Wo o mat o ƥees, fapoori yirmande fee refna na Kiristaa Yeesu.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

A pi ake 16:1

Cinj kaaga, Pool a fadiida Derbe, a suur Listeer. Maaga, a jeg’a o taalbe xaa ne’eena Timote, o ƥiy no tew o Yaawuur o kimu, too faap um a reeƭu o Keegeres.

Filip 4:1

Ten taxu koy, nuun fog es we fexuuma fex, nuun we sooɓaxama, ndef o ɗaay es fo o ndip es, koo saƭikyo no Yaal oxe, ngen na saƭik aleene.

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

1 Korint 4:17

Keene o mat taxu um luliid a Timote me nuun, ten fee refna o ƥees o ngore’u no Yaal oxe. Boo ta garna xan a wetand a nuun me dakuuma fa Kiristaa Yeesu fo ne um jangnitaa a ndeer pokatax ke no gimu we fop.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

3Saŋ 1:4

Dara moƴiraam o fel o nanel ee xa ƥees no ndigil ne a ñaaƴaa.