2 Timote 1:16 - NQAARIIT NE ROOG

¹⁶ Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

2 Timote 1:16 Referans Kwoze

2 Timote 4:19

Simnanaam a Piriska fa Akilaas fo mbind Onesifoor.

Filemon 1:20

Ii, o pog es, mexe xeɗang o ci’aam, um daawit keene na wo yaam o Yaal oxe, too o dalin xeeñ es na Kiristaa.

Filemon 1:7

O pog es, o mbeq of a ɗaaynooraxam lool, too a saƭakinaxam, yaam na wo, xeeñ le no tedu we a daltu.

Efees 6:20

Kaam ref oxaa Roog a lulna, ndax um yegnitaa Yegil mbaax neene, taxna um jengel ndiiki. Nqeɗyo boog, ndax Roog a ci’aam njambaar naa um layantan ne waranuuma o layit.

A pi ake 28:20

Ten taxu um xeɗ, ndax um ga a nuun boo lay fa nuun, yaam oxe xeet fee Isra’el a yaakaarna taxu um kepel a cengir akeeke.»

Hebre 10:34

No ndigil, nu njeg’a yirmande no we ndameena kaso. Ye kalal ke nuun a njangeena itam, nu njaɓ’a o ñak a den no fud o letu. Nu and’a yee nu njega halal faa moƴna, too a refkaa boo faw.

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1 Korint 16:18

boo da ndalin yiif es ne da ndalnitna ake nuun. Kaam ee ngela ndamityo wiin nandu neene ƥay ƭik.

Mace 5:7

We njegna yirmande a ƭaaya, yaam xan Roog a yirim a den!

A kim a tedu ke 37:26

Kaa yirmaa kili soo a ɓandtaa, too ƥasil um kaa barke’eel.

A kim a tedu ke 18:25

Ten taxu o Yaal oxe a rabdaxam o cofel es, a saɗgaam na pesoorooƭ es a paax.

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»

Nehemi 13:22

Heblaam itam Leelewi we da ƥogdoox soo a yetooxiid tokand ke, ndax da tedland bes fee na ñootnax ale. «Roog es, wetandooxaam yaam keene itam too yirmaam yaam o paaxel o maak of!»

Nehemi 13:14

«Roog es, wetandooxaam yaam keene fop! Ba o weecit ngor ne jalantuuma Mbind Roog ne fo a paɗax ale ten.»

Nehemi 5:19

«Roog es, wetandooxaam fo o paaxel yaam fop ke fi’anuuma xeet fene.»

Ruut 1:8

Nowemi a laya seemir we ten ee: «Ndiiki, fat oxuu refna na nuun a nomtoox no mbind ya um! Yaasam o paaxel ole no Yaal oxe a ref na nuun, ne ole nuun a refit’ina no we nqonna fo na mi.

2 Sami’el 2:6

Yaasam o paaxel ole fo ngor ne no Yaal oxe a ref fa nuun! Mi itam, xam fi’an a nuun paax, yaam ne nu mbesoorna neene.

A pi ake 21:33

Maaga, kelfa faa a matiida a Pool, a damin, soo a hebil ta humel fo ceen ƭik. A cinj kaaga, a laamta oxe refna Pool fo ke ta fi’na.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

2 Timote 1:17

Ye ta garna Rom, a dalfooxa o ref no waaƭaxam boo neene a ga’axam.

Yeremi 39:17

Wo o mat, xam muclong a koom. Mi o Yaal oxe layun. Ɓoxotkaandee na xa ƥay no wiin we o saɗaraa.

Mace 25:17

Oxe jeg’ina xa qanjar xa ƭaq axe itam a reta a rimand waa ten, too a jegata xa qanjar xa ƭaq xa lakas.