2 Timote 1:14 - NQAARIIT NE ROOG

¹⁴ Geeki paax ke doxnee’oona, no ndimle nqe no Yiif Tedu le genna na in.

2 Timote 1:14 Referans Kwoze

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

2 Timote 1:12

Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

1 Korint 3:16

Kaa nu andee yee nuun ndefu Mbind Roog ne, Yiif um a gen na nuun?

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

1 Tesalonik 5:19

Ba nu ñuf Yiif le Roog muk,

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

Efees 5:18

Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

Efees 2:22

No ten, nu mboga nuun itam, no we tabaxeena, ndax nu ndefat ngenand Roog na pexey Yiif le ten.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

Kolos 4:11

Yeesu fee da lastitaa Yustus oo, oxe simnaa a nuun. Ndeer Yaawuur we, weene soom ndefu we na njalaa fa mi, ndax Maat ne Roog a joot. Yaaloor saƭku a ndefu na mi.

Galati 2:7

A nga’a sax ee kaam doxnel Yegil mbaax ne, ndax um waare’in we nqucooxeerna yaam Roog, ta ref we ndefeerna Yaawuur, ne Piyeer fa xoox um a doxniteena o ten yaam we nqucooxna, ta ref Yaawuur we.

2 Korint 5:16

Ndiiki koy, i ƭeettatee o leng ngiin um. Ke i ƭeet’ina a Kiristaa nen o kiin fop oo, i andtatiran neene.

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

O leetar ole Pool a bindna GIMU WE NGENNA ROM 3:2

No kuu refna a adoorun. Eetu, Roog kaa doxin Yaawuur we fa lay um.

YEGIL MBAAX NE YEESU ne Lik a bindtuuna 16:11

Boo nu ngore’eerna no kalal leweer ke na adna fee, an na doxinkaa a nuun kalal tigil ke?