2 Timote 1:12 - NQAARIIT NE ROOG

¹² Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.

2 Timote 1:12 Referans Kwoze

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

Yudaa 1:24

Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.

1 Piyeer 4:19

Neene, fat we na coono’aa yaam o bug ole Roog, a ƥoxot xa laaw den o Piibind o kore’u xe, yaa da mbi’aa paax.

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

1 Timote 6:20

Koo Timote, geeki ke doxnee’oona, too wootoox fa lay fa ngoɓong faa guutatirna fo o ngim onqe. Wootooxi itam qasir ke inoorna no ke na xoyeel o and ole, too refiran.

Nahum 1:7

O Yaal oxe a faaxa. Kaa ref ndaɗand yaa fa naqad, a topatooxaa we ngoolooxuuna.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

Mace 24:36

«No ke farna no ñaal ne fo na waxtu fee o Ƥeenqe no kiin oxe a nomtooxiidkaa, o leng andiran, malaaka ke na asamaan fo o Ƥeenqe sax andiran, Faap fee soom andun.

1 Piyeer 1:5

Yaam na pexey o ngim nuun, Roog kaa saytoortaa a nuun katil um boo yaa nu ndaawkaa a muc ale jagandeena, too a nar o feeñ na jamaane fa mbalakaand fee.

A kim a tedu ke 25:2

Roog es, hoolooxaaxoong, ngela ba um sed. Ba o ci fañ we mi da njalaam.

2 Timote 1:18

Koo yaasam o Yaal oxe a fi ta daaw yirmande Roog na bes fa mbalakaand faa. O leng moƴirang o and ne ta dimle’taxama ye um refaa Efees.

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

A kim a tedu ke 9:10

O Yaal oxe refu njaɓnooxand no xe na ñaatlandeel, a ref laqooxand no naqad ke.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

2 Timote 2:9

Yegil mbaax neene taxu um coono’aa boo jengel neeke nen a saasaay. Kaa koy fa lay fee Roog jengaand.

Filip 3:10

Neene o mat um anditkaa a Kiristaa fa doole a qontax um, waag o fog no coono um, nandat fo ten nen oxaa xonitna nen o ten,

Filip 3:8

Refee keene soom koy. Kaam ɗeetat fop nen kasaara yaam ke moƴna o jeg o njiriiñ no fop, ta ref o and a Kiristaa Yeesu fee o Yaal es, taxna um fes lakas ke fop a cinj. Lakas keene, kaam ɗeetaa a den nen a siind, ndax um waag o jeg a Kiristaa.

1 Korint 3:13

Fat nu yeg fo and koy ee xan ke o kiin oo kiin a maxitna a feeñlel no ñaal naa na hate faa. A koom xan a jeg fiɗel, too fiɗel laaga na siɗkaa a pi no kiin oo kiin.

YEGIL MBAAX NE YEESU ne Saŋ a bindtuuna 17:15

Xeɗiim koy, ndax o sut a den adna fee, ndaa o saytoox a den no paaxeer oxe.

Mace 12:21

Qeet ke fop xan a ndoon yaakaar den no gon um.»

Esayi 54:4

Ba o saɗar boog, yaam neewandkataandee. Ba o yogorloox, yaam niwaƭarkataandee. Xan o weecit gaci fee no ndeƥandoong of too wetandooxkatiro o niwaƭarel ole yegoogoona ye o refaa o ñaaw.

A kim a tedu ke 31:5

Wo na guutatirandaxam fo mbog ne sipaneema, yaam wo refu o saasaytax es.

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

1 Piyeer 4:16

Kaa koy, a soƥangaa yee yaam ne refoona kerceen oo, ba o jeg teen gaci. Naagi o ɓoxotaa a Roog o ndam yaam gon of leene, inoorna no gon Kiristaa.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Hebre 2:18

Me ta refna koy, Yeesu a waaga o dimle we na ƭeetlooxeel, yaam ten fa xoox um a ɗeetloox’e kam coono um.

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

Filip 1:20

Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

A pi ake 13:50

Yaawuur waa a soobooga rew maak waa saɗar’ina a Roog fo wiin maak waa na teeru faa, ndax da ñagadil a Pool fa Barnabaas, soo a ndaxit a den no fiisel den.

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

A pi ake 9:16

Xam lalin ke ta warna o torox fop yaam gon es.»

A pi ake 7:59

Neeke mat Eceen a xeɗtoogu ye da ndooman a kac: «O Yaal oxe Yeesu, jaɓi o laaw es!»

YEGIL MBAAX NE YEESU ne Saŋ a bindtuuna 6:44

O leng waagee o gar me mi yaa Faap fee luliidaxama a qiciideeruuna me mi, too yaaga xam xontooxnoorin na bes fa mbalakaand faa.

YEGIL MBAAX NE YEESU ne Lik a bindtuuna 23:46

Yeesu a dakooxa wuuq a maak, soo a lay ee: «Faap, mexe ɓoxotaa o laaw es na xa ƥay of.» Yaa ta layna kaaga, a saaya.

Esayi 50:7

Kaa koy, o Yaal oxe na refkaa boo faw kaa dimle’aam, ten taxu maafaandeem. Kaam saƭkand mukit es nen gac, too andaam ee sedkiim.

A kim a tedu ke 56:9

Damaa a pe ake raay’uuma. Deki xa kooniit es no mboxos ne wo. Mee ndax a mbinde no safe le wo!

1 Tesalonik 5:4

Nuun o mat fog we, nu ndefee kam o niɓaan ole, boo ta taxkaa bes feene a bet a nuun nen o kuuɗ.

YEGIL MBAAX NE YEESU ne Lik a bindtuuna 10:12

Mexe layaa a nuun ee: Na bes faa na hate faa Roog, teeru faa Sodoom na moƴkaa o yooɓiɗ hate teeru faaga.»

Mace 7:22

Na bes faa na hate faa, xan mayu a layaam ee: ‹O Yaal oxe! O Yaal oxe! Ndax kaa i njo’tee a Roog no gon of? Ndax kaa i ndaxee cini ke no gon of? Ndax kaa i mbi’ee a pi katil a mayu no gon of?›

1 Korint 1:8

A woora yee xan a fap a nuun, ndax nu ñak sik na bes faa o Yaal in Yeesu Kiristaa a nomtooxiidkaa.

2 Timote 1:14

Geeki paax ke doxnee’oona, no ndimle nqe no Yiif Tedu le genna na in.

2 Timote 1:16

Yaasam o Yaal oxe a xayand yirmande um kam mbind Onesifoor. Yaaloortaam no ten a caf a mayu, too kaso fee refuuma fi’iran gaci.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.