2 Timote 1:10 - NQAARIIT NE ROOG

¹⁰ Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.

2 Timote 1:10 Referans Kwoze

1Saŋ 1:2

Kaa i mbeeñlel o ñoow oleene, nga’anin a qoox in, too seede’in. O ñoow o fagkeer ole reeƭna paam Faap faa koy, too i mbeeñlel o ten, ten i yegnaa a nuun.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Tiit 2:11

Yirmande fee Roog a feeñle, ndax ta ref a cur a muc no wiin we fop.

1 Korint 15:26

Oxe na falakkeel o duguñaa no fañ um, refu fa nqon,

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

2 Timote 1:1

Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Mbeeñil 22:14

We na ndapaa toki den, ndax da ci’el a ñaam o rim ole no ndaxar ne no ñoow ole, a ndoktaa na xa ton-maax axe na teeru fee, a ƭaaya.

Mbeeñil 18:1

Cinj kaaga, ga’aam malaaka fa lakas a fudoortiidaa na asamaan. A jega sañ-sañ fa maak, too a qoolaand ale inoor’ina no ndam um a xooland’a adna fee fop.

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

2 Piyeer 3:2

boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.

2 Piyeer 2:20

A sutooxa no ke waagna o yaq cer na adna fee, yaam a and o Yaal in fo o Muumucil in Yeesu Kiristaa. A nomtooxangaa teen boo keene a hupat a den doole, xan a moƴat o mbaaxaƭar ne da nand’ina peraand.

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

2 Piyeer 1:3

Katil ne Roog a jegoodna a cooxa a in ke i soxla’na fop, ndax i ñoowaa no damoox no ten, ye ta andnoorna a in oxe xoyna a in na pexey o ndam xoox um fo no paaxel um.

Hebre 10:32

Mbetandooxyo ñaal eetaand ke nuun! Ye nu sogna o ndaaw a qoolaand ale, kaa nu njimboox’u na ñox a maak a ƭomu, yoonandtin o muñ.

Tiit 3:4

Kaa koy, ye o paaxel ole Roog o Muumucil in fo o mbeq onqe ta fexna wiin we a mbeeñna,

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

2 Tesalonik 2:8

Maaga, xan mbir ne no njofaƭar ne a feeñ. Kaa koy, xan o Yaal oxe Yeesu a wuuɗin ta fi fo ut, soo a sooynin na pexey a qoolaand ale na kar um.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Galati 5:4

Nuun we na ndeefaa ke kebil ke a layna, ndax Roog a ɗeet a nuun nen jofu, nu nqaaje fa Kiristaa, too nu ñaka yirmande fee Roog itam.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

O leetar ole Pool a bindna GIMU WE NGENNA ROM 6:6

Fat i and a paax ee o kiin o kiid oxe i ndeeƭna yaaga, a rengandoor’e na kurwaa fa Kiristaa, ndax ngiin mbaabakaad neene a sooƴ. Yaaga koy, i ndefkatee faɗ bakaad boo muk,

O leetar ole Pool a bindna GIMU WE NGENNA ROM 3:31

Ndax neene i ñufitkaa kebil ke yaam o ngim onqe? Muk! Kaa i moƴ o saƭkinaa kebil ke sax.

A pi ake 13:23

Yeesu o ndaan Dawid a reeƭu. Kaa Roog a dodanin xeet fee Isra’el, ta ref o Muumucil den ne ta regtituuna.

A pi ake 5:31

Roog fa xoox um yoɗun itam, ta moofik na ñamaak um, a dodin o Maad fo o Muumucil, ndax ta ci xeet fee Isra’el da mbes pakaad den a cinj, too a ndaaw a baasan ale.

YEGIL MBAAX NE YEESU ne Saŋ a bindtuuna 20:31

Ke bindeena teen, kaa bindel, ndax nu ngim ee Yeesu refu Kiristaa fee, o Muumucil oxe regteena, refna ref o Ƥeenqe Roog. Nu ngimangaa, xan nu ndaaw o ñoow ole no gon um.

YEGIL MBAAX NE YEESU ne Saŋ a bindtuuna 5:40

Ii, keene koy, too nu mbugee o ngar na mi, ndax nu njeg o ñoow!

YEGIL MBAAX NE YEESU ne Saŋ a bindtuuna 4:42

boo a layataa o tew oxe yee: «Refatee yee ke layoona taxu i ngim no ten, yaam i nanana a qoox in, too i anda xil ee ten refu o Muumucil adna.»

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

YEGIL MBAAX NE YEESU ne Lik a bindtuuna 13:7

Maaga a laya oxaa topatooxoogna o qol olaa yee: ‹Xa kiid xa tadaq axey axaa andoona yee um garangaa waaƭiid o rim no ndun ne, soƥkiim teen tus. Godeen deɓin. Xar taxu ta ñaamaa lanq ke, too jegee meen o njiriiñ?›

YEGIL MBAAX NE YEESU ne Lik a bindtuuna 11:36

Boo cer of fop a nqoolna, too njegee o niɓaan o leng, xan a nqoolit nen o jam olaa xoolandoonga.»

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Esayi 45:15

Wo Roog fee Isra’el na muclaa, no ndigil Roog fa kunpa’u refo.

Esayi 43:3

yaam mi refu o Yaal oxe Roog of, o Tedu xe Isra’el, refna o Muumucil of. Xam cooxit a Misira ta ref a bateer of, Kuus fa Seeba a softel a wo.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

2 Timote 4:1

Mexe maƭooxang mbaambir Roog fa Kiristaa Yeesu fee warna o hate ñoow we fo xon we, maƭooxang itam took a kar um fo maat um ee:

2 Timote 4:8

Andaam ee o ndip onqe jofu we a cooxeel, oxe cungaxam. O Yaal oxe refna o Kaahate cofu xe xan a cooxaam o ten na bes faa ta nomtooxiidkaa. Refee koy ee mi soom a cooxkan, ndaa fop we na tayaa a nomtooxiid ale ten.