2 Timote 1:1 - NQAARIIT NE ROOG

¹ Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.

2 Timote 1:1 Referans Kwoze

Hebre 9:15

Ten taxu Kiristaa a ref o ndok-a-ndeer onqe no ngiɓoor nqas ne refna a tegdinax, ndax we Roog a xoyna a mbaag o ndaaw paax ke na ndefkaa boo faw, too ta reg’un a den. A mbaagaan o ndaaw, yaam Kiristaa a xona, ndax ta wat wiin we no tooñ ke da mbi’’ina ye da ndefna no ngiɓoor eetaand ne.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

2 Korint 1:1

Mi Pool fee refna apootar Kiristaa Yeesu ne Roog a bugtuuna, mi fo o pog nuun Timote na mbindaa a nuun o leetar oleeke. In we simnaa a nuun, nuun mbokatax ne no gimu we Roog ngenna na teeru fee Korint, nuun fo tedu we Roog fop ngenna kam o jegel ole Akayi.

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Efees 3:6

Keeke refu kunpa feene: Na pexey Yegil mbaax ne, we ndefeerna Yaawuur a njega a las fo Yaawuur we no ke Roog a geekanna xeet um. A ndefata njer leng kut, soo a mbog, den itam na tegit a leng kut ale Roog a regitna na Kiristaa Yeesu.

YEGIL MBAAX NE YEESU ne Saŋ a bindtuuna 6:40

Ke Faap es a bugna refu yee oxuu ga’na o Ƥeenqe, too a gim no ten, a jeg o ñoow o fagkeer ole, too xam xontooxnoorin no ñaal mbalakaand naa.»

1Saŋ 2:25

Ke ta regna a in refu ndegit ne no ñoow o fagkeer ole.

1 Timote 6:19

Neene, xan a mbokatanaa a qoox den halal fa mbaax fa ndoone no saƭku yaam o feet, ndax da ndam no ñoow o ndiindigil ole.

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

1 Korint 1:1

Mi Pool fee Roog a xoyna no bug um ndax um ref apootar Kiristaa Yeesu, mi fa Sosteen fee o pog nuun na mbindaa a nuun o leetar oleeke.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

O leetar ole Pool a bindna GIMU WE NGENNA ROM 1:1

Mi Pool, o paɗ Kiristaa Yeesu na bindaa a nuun o leetar oleeke. Roog kaa xoyaam ndax um ref apootar, a kesaam, ndax um yegnitik Yegil mbaax ne ten.

YEGIL MBAAX NE YEESU ne Saŋ a bindtuuna 6:54

Oxuu ñaamna cer es, a yer fo’oy es, a jega o ñoow o fagkeer ole, too na bes fa mbalakaand faa xam xontooxnoorin.

YEGIL MBAAX NE YEESU ne Saŋ a bindtuuna 5:24

No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

2 Timote 1:10

Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

2 Timote 2:1

Wo o mat o ƥees, fapoori yirmande fee refna na Kiristaa Yeesu.

2 Timote 2:3

Jaɓi o coono fa mi nen o qiixire o paax Kiristaa Yeesu.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

2 Timote 3:15

No ndeƥandoong of andto a Pind a Tedu ke. Den mbaagong o coox o and ole na ɓisaa na muc na pexey o ngim na Kiristaa Yeesu.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!