2 Korint 9:8 - NQAARIIT NE ROOG

⁸ Roog a jega katil faa ta mayƭanditna a nuun fo paax kuu ndefna, nu ngen no njegaa kili ƭaxir soxla nuun fop, boo ta yoq kaa waagna o jal paax,

2 Korint 9:8 Referans Kwoze

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Xa peƭit axe 10:22

O Yaal oxe a barke’angaang, o jeg halal, a koorgoorlax of waagee o ɓaat teen tig.

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.

Safe le no tuleer AGE 2:8

Mi jegu xaaliis fee fa wurus fee fop. Mi o Yaal oxe Hupna fop layun.

Xa peƭit axe 28:27

Oxe na ci’aa rool we naagee o roolaa, oxe na fañaa ɗeet a den o mat kaa salooxeel.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Xa peƭit axe 3:9

Niwti o Yaal oxe ke jegoona fop, ɓoxotin ke eetna o foor no saxade of.

Tiit 3:14

Wiin in itam a mbara o aqatoox a pi a paax, a njalaa, ndax da ƭaxaa soxla fuu refna. Keene refu a pi a qatkeer.

2 Korint 8:7

Ne nu njegna halal no fop, ta ref o ngim onqe fo fa lay fee fo o and ole fo o jaflax no fop fo o mbeq onqe nu njegna na in, neene itam nu mbaru o ngoorgoorlooxit no calel paaxu keene.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

2 Korint 9:11

Meene nu ndeefkaa njegaa halal tigi na waxtu fuu refna, ndax nu mbaag o laltaa o laabiir nuun na pexey ci’it nuun ke i ndaawnitaa, ndax Roog a ɓoxotel o ngidim.

2 Korint 8:2

Gimu we kaa ƭeetloox’el kam coono maak kaa ndal’ina a den, ndaa o ɗaay den kaa magin’u lool, boo a tax da lalit o laabiir den, ke da ñak’ina ñak fop oo.

Xa peƭit axe 11:24

Oxe na ci’taa no fud o letu kaa moƴaa mayiƭ, oxe o ɓay um a ɗegna mat a moƴ o roolaa.

2 Caloori ke 25:9

Amatsiya a laya o kiin Roog oxe yee: «Nam um fi’kaa koy fa xaaliis fee cooxuuma xiixire weene?» A doonaan ee: «O Yaal oxe a jega pexey naa ta ci’toonga kupu keene.»

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

1 Piyeer 4:10

Oxuu refna na nuun kaa ref nen o tag o paax oxaa Roog a doxinna ci’it pogreer. Yaaga koy, fat a dimle’taa lakas we ci’it ne ta daawitna na Roog.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

2 Korint 8:19

Kaa jolna keene sax, pokatax ke no gimu we njilun, ndax ta yoon fa in yaa i ƥisaa o ndimle nqeene i ngadneena, yaam o ndam no Yaal oxe. Neene i laltitaa itam ne i mbugitna o ndimle lakas we.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

A pi ake 9:36

Kam teeru faa Yope, a jega ndeer no daalbe waa o tew oxaa ne’eena Tabita (kaa layeel Dorkas no ɗelem gerek, ta tekit «mbat ne»). Oxeene kaa fi’oogu a pi a paax a mayu, a sadaxtaa.

2 Tesalonik 2:17

Yaasam ta yaal a nuun, a ci a nuun nu saƭik na pi a paax fo na ƭelem a paax itam!

2 Timote 3:17

ndax o kiin Roog oxe a dey, too a jofnoox na pi a paax.

2 Korint 13:3

yaam kaa nu mbaaƭaa kaa lalitna yee Kiristaa na layaa na mi, o ten oxe heeseerna mbaambir nuun, ndaa a ref o cegu katil a ndeer nuun.

Filip 4:11

Refee koy ee soxla es taxu um lay keene, yaam jangaam boo waagat o sawar no ke refuuma.

2 Timote 2:21

Yaaga koy, boo o kiin a riƈatuna nqoolaƭar nuu refna, xan a nand fo ƥaxañ ke na suteel na bes fa maak, a kesel, a jeg o njiriiñ no yaal um, a waagel o fi’it kuu faaxna.