2 Korint 9:7 - NQAARIIT NE ROOG

⁷ Fat oxuu refna a ci’it ke dalna no xeeñ um, too baa ref fo a tagid a ŋooɓu, baa ref itam fo a yiif-a-ƭak, yaam oxe na ci’taa fo o ɗaay soom Roog a bugu.

2 Korint 9:7 Referans Kwoze

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

A pi ake 20:35

Lalaam a nuun no fop ee nu mbara o njaltaa neene ndax nu mbaag o ndimle’aa we neewna doole. Mbetandooxyo xa ƭelem axe o Yaal oxe Yeesu fa xoox um a layna. Kaa tee: ‹Boo o moƴaa jeg barke, o ci’taa ee o daawaa.› »

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

A sutax ale 25:2

«Layi Ii-isra’el we da mbokatanaam ci’it. Fat nu ndaawtin no kiin oxuu ɓoxotuuna fo o fud o letu.

Xa peƭit axe 11:25

Oxe na fi’aa paax xan a gen no neq, oxe na sooraa a soorel ten fa xoox um.

Xa peƭit axe 22:9

Oxe ranigna kam xan a barke’el, yaam kaa ci’aa o neewu doole xe no ñaamel um.

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

1 Piyeer 4:9

Naangyo ndalniraa a ndeer nuun kam pind ke nuun, too baa ref fo a cadax.

A sutax ale 35:5

«Nqotyo no ke nu njegna, nu ci teen o Yaal oxe. Oxuu waaguuna o fi fo o fud o letu, fat a ɓisiid o Yaal oxe keeke: wurus, xaaliis, xanjar,

Esayi 32:8

Kaa koy, oxe mosna kam a qalaat a mosu a saqaa, too a pi a mosu soom na inan.

A cangatin ale 15:14

Fat o cooxin fo fud o letu no fop ke o Yaal oxe Roog nuun a barke’itkang, ta ref paal mbaat pambe mbaat bele mbaat biiñ.

Saak 5:9

Fog es, ba nu ñunqumtiloox, ndik Roog a hate a nuun. Nan-gilooxyo, o Kaahate xe a mata, oxey no don-maax ole.

Esayi 32:5

O ƥodaxu xe xoykataand garmi, too o naanax oxe fi’kataand o kiin o maak.

1 Caloori ke 29:9

Xeet fee kaa sawar’u no ci’it o fud o letu ke mbi’eena. O maad Dawid itam a felakinoox’a teen.

Filemon 1:14

Kaa koy, bug’iim o fi tus, too yooniro teen. Bugiroong o ser o fi’anaam paax, a refangee kaa felong.