2 Korint 9:5 - NQAARIIT NE ROOG

⁵ Kaam bug’u boog o xeɗoox fog we, da adooxiidaam me nuun, soo a topatoox ci’it ne nu ndegit’ina yaaga, ndax refkee na nuun ci’it no kiin o batu ndaa fo o fud o letu.

2 Korint 9:5 Referans Kwoze

1 Sami’el 25:27

Ndiiki koy, jaɓi ci’it ke ɓisiidoonga. Lasiryo a den, wo fo yoon of.

Mberaand 33:11

Jangi boog ci’it ne um cooxang, feek Roog a mayƭandaxam fa barke, too jegaam fop ke soxla’uuma.» A fañaan o waas, boo neen Esawu a jaɓu.

Filip 4:17

Refee koy ee um gindaa ci’it keene. Ke um waaƭaa kañ refu xa tim xa mayu xa paax axe na sutooraa no ñoow nuun.

2 Korint 8:6

Ten taxu i nqeɗa a Tiit ta gar me nuun, a muuk ke ta fer’ina, ndax ta dimle a nuun, nu mbadand calel paaxu keene.

1 Korint 16:2

Na bes diiboor fuu refna, fat o kiin oo kiin na nuun a geek podu naa doole um a daawna. Nu mbi’tangaa neene, ta moƴ o faax, yaam waaj yaaga moƴu nu cung boo um gar, soo o ndimle nqe a sog o ƴufaneel.

2 Maad we 5:15

Cinj kaaga, a nomtooxa maa no kiin Roog oxaa, ten fo a ƭat um fop. Ye ta fadiidna, a geenooxa mbaambir um, a layin ee: «Andaam ee no lanq ke fop jegee roog fa lakas, a refangee Roog fee Isra’el. Ndiiki koy, kaam xeɗang o jaɓ ci’it ne o tag of a yentiidna na caf of.»

1 Sami’el 30:26

Ye da mbadiidna Siklag, Dawid a watna a las no njangal ne da njaɓ’ina, a lultin maak we Yudaa ndeeƭna qaariit um. Kaa ɓisnoor’u a den ee: «Keeke refu ci’it es fa nuun no njangal ne xottuuma no fañ we no Yaal oxe.»

Haahate we 1:15

A doonaan ee: «Dimle’aam, ci’aam maa jegna foofi, yaam o jegel ole o ɓisaxam no ɓemb-roog o ñamaak kaa weer koroŋ.» Maaga, Kaleb a cooxaan peel ke took fo ke a lanq.

2 Korint 9:3

Kaa koy, mexe luliidaa fog weene, ndax a tagas ake layuuma na nuun ndefkee kasaara. Yaakaaraam ndigil ee no keene xan a soƥ waaj nuun a ƴut, ne laytanuuma.

2 Korint 9:6

Fat nu and kene: Oxe duufna o ndik, o ndik rek a saxadkaa, ndaa oxe duufna mayu o mat, mayu a saxadkaa.