2 Korint 9:11 - NQAARIIT NE ROOG

¹¹ Meene nu ndeefkaa njegaa halal tigi na waxtu fuu refna, ndax nu mbaag o laltaa o laabiir nuun na pexey ci’it nuun ke i ndaawnitaa, ndax Roog a ɓoxotel o ngidim.

2 Korint 9:11 Referans Kwoze

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

2 Korint 9:12

O ndimle nqe no sadax ke nuun refee ƭaxir coxla no gimu we soom, ndaa kaa ref sax a cur a cookir a njal a Roog.

2 Korint 1:11

Nuun itam, nu langantangaa a in fo a qeƭ, yaaga xan Roog a jaɓ a qeƭ ake wiin mayu a nqeɗanaa a in, too xan a ci’it a in teen yirmande. Neene, xan wiin mayu a ngidim a Roog itam yaam in.

2 Korint 8:19

Kaa jolna keene sax, pokatax ke no gimu we njilun, ndax ta yoon fa in yaa i ƥisaa o ndimle nqeene i ngadneena, yaam o ndam no Yaal oxe. Neene i laltitaa itam ne i mbugitna o ndimle lakas we.

2 Korint 8:16

O ngidim a hela a Roog, ten oxe ɓekna kam xeeñ le Tiit o jaflax o leng kut ole i njegna na nuun.

1 Korint 1:5

Yirmande feene refu yee xañee a nuun dara no ten. A ci’a a nuun nu mbaag fa lay, njeg o and itam.

2 Caloori ke 31:10

Maaga, Asariya fee o saasadax o maak oxe too a fog na qaw ale Saadok a doonaan ee: «Naa wiin we a mberu o ƥisiidaa no Mbind ne no Yaal oxe ke da mbatnitna no saxade den, kaa i ñaamaa boo ngiñ. I yoqɗa mayu sax, yaam o Yaal oxe a barke’a xeet um. Ke juumeena mene refu ke i yoqiɗna.»

O leetar ole Pool a bindna GIMU WE NGENNA ROM 12:8

Oxe jegna ci’it o saƭakinaa lakas we, fat a saƭakin a paax. Oxe na ci’taa, fat a fi’in no fud o letu. Oxe na ɗoxaa, fat a jaflax no ke ta ɗoxaa. Oxe na dimle’aa rool we, fat a fi’an fo o ɗaay.

Mace 20:15

Ndax kaa waagiim o fi na halal es ke buguuma? Ndi o paaxel ole mi kaa feƭarong?›

Mace 25:17

Oxe jeg’ina xa qanjar xa ƭaq axe itam a reta a rimand waa ten, too a jegata xa qanjar xa ƭaq xa lakas.