2 Korint 8:9 - NQAARIIT NE ROOG

⁹ Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

2 Korint 8:9 Referans Kwoze

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

2 Korint 6:10

naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

YEGIL MBAAX NE YEESU ne Lik a bindtuuna 16:11

Boo nu ngore’eerna no kalal leweer ke na adna fee, an na doxinkaa a nuun kalal tigil ke?

Hebre 1:2

ndaa na pe akene, na ne’eel a paktaand ake, a laya fa in na pexey o Ƥeem. No ten Roog a saktu adna fee, too o ten Roog a jilu, ndax ta jeg fop.

YEGIL MBAAX NE YEESU ne Lik a bindtuuna 9:58

Yeesu a doonaan ee: «Xa ƥox-a-koƥ axe a njega qanq, tiiƭ ke na asamaan a njeg tut, ndaa o Ƥeenqe no kiin oxe jegee maa ta hakandooxna.»

Mbeeñil 3:18

Kaam asang koy, o bugangaa o ref o yaal halal, jikti na mi wurus faa naayneena na fiɗel. O bugangaa o ɗasin cer ƥor of yaam o fañaa gaci, jikti na mi tikoorik tan kaa o rokooxaa. O bugangaa o waag a ka, jikti na mi tuuf naa o ɗuumaa na kid of.

Efees 3:19

Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.

1 Korint 1:4

Kaam gidmaa a Roog o Yaal es ñaal fo o yeng yaam yirmande fee ta ci’na a nuun na Kiristaa Yeesu.

YEGIL MBAAX NE YEESU ne Lik a bindtuuna 2:7

A ñoota a taaw um, ta ref o ƥiy o ngoor. A laxasaan ƭapax, a wondnin no mbalka, yaam nqeƈ’ee maa genar waa a ndaloogna.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

YEGIL MBAAX NE YEESU ne Saŋ a bindtuuna 16:15

Ke Faap fee a jegna fop, mi jegun. Ten taxu, um lay ee na mi a bugko naqtaa, a yegnan a nuun.»

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

YEGIL MBAAX NE YEESU ne Saŋ a bindtuuna 1:10

A qoolaand ale a reeƭa kam adna fee, ndaa ke adna fee a reefandeena no ten fop oo anddiran.

Mace 8:20

Yeesu a doonaan ee: «Xa ƥox-a-koƥ axe a njega qanq, tiiƭ ke na asamaan a njeg tut, ndaa o Ƥeenqe no kiin oxe jegee maa ta hakandooxna.»

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

1 Korint 15:47

O kiin o eetaand oxe kaa hat no lanq, a ref laalanq, o ƭikandeer oxe a inoor na asamaan.

O leetar ole Pool a bindna GIMU WE NGENNA ROM 11:12

Ii, boo njom ne den a refanna adna fa muum o njiriiñ no kaa jofna na Roog, soo a neewand ale da neewandeena a refan we ndefeerna Yaawuur o njiriiñ, kaam ee nam o njiriiñ onqeene a fodkaa yaa da nomtooxna na Roog?

YEGIL MBAAX NE YEESU ne Saŋ a bindtuuna 17:19

Tedlandaam a xoox es yaam den, ndax da tedit no ndigil ne.

YEGIL MBAAX NE YEESU ne Saŋ a bindtuuna 12:30

Yeesu a laya yee: «Refee yee mi o ñuxur oleene a garanu, nuun o mat a garanu.

Mark 6:3

Ndax refee o taadaaƴ oxe, o ƥeenqe Mari, o maag oxe Saak fa Yoose fa Yudaa fa Simoŋ? Ndax jigeen we ten ngenee fa in mene?» Kaaga a yaqan’a a den da ngim no ten.

Mace 17:27

Kaa koy ndax njegkee kaa da layaa, reti no maag olaa. Deɓi o jaar, too sut liƥ ne o eetkaa o dam. Yaƥatneen, too xan o ga o xanjar. Jangeen cooxin a den, ta ref ndabid in, mi fa wo.»

Esayi 65:8

O Yaal oxe kaa tee: «Ne nduunq xa biiñ axaa mayna foofi a layteel ee: ‹Baa yaqel, yaam kaa barke›, neene um fesooritkaa fo dag es tigi, yaqkiim a den.

Esayi 62:1

Yaam o mbeq onqe jeguuma na wo, wo Siyoŋ, maarkiim o don es, yaam o mbeq onqe jeguuma na wo, wo Yeerusaleem, moofkiim fañ o fi dara, boo yaa o cofel of a feeñkaa nen mbeet, soo a muc of a meleƈ nen o jam.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

YEGIL MBAAX NE YEESU ne Lik a bindtuuna 8:3

fa Yowana fee o tew Kusa jawdiin Herood fa Susaan fo rew lakas mayu waa ndimle’oogna a den fo o jeg ole den, fop maaga a ndeeƭu.

O leetar ole Pool a bindna GIMU WE NGENNA ROM 15:3

Kiristaa mosee o waaƭ ke faaxna na xoox um. Keene ne’ooge ye a Pind a Tedu ke a layna yee: «A ben ake no we na mbenang took es a ndalu.»

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!