2 Korint 8:7 - NQAARIIT NE ROOG

⁷ Ne nu njegna halal no fop, ta ref o ngim onqe fo fa lay fee fo o and ole fo o jaflax no fop fo o mbeq onqe nu njegna na in, neene itam nu mbaru o ngoorgoorlooxit no calel paaxu keene.

2 Korint 8:7 Referans Kwoze

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

2 Korint 9:8

Roog a jega katil faa ta mayƭanditna a nuun fo paax kuu ndefna, nu ngen no njegaa kili ƭaxir soxla nuun fop, boo ta yoq kaa waagna o jal paax,

Filip 1:9

Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

2 Korint 8:6

Ten taxu i nqeɗa a Tiit ta gar me nuun, a muuk ke ta fer’ina, ndax ta dimle a nuun, nu mbadand calel paaxu keene.

1 Korint 13:2

Boo andoona itam ee waag’aam o jo’tan a Roog, and kunpa fuu refna, jeg o and oluu refna, kaam ee boo jeg’uuma o ngim onqaa waagna o jiƭit xa coong axe sax, um fexangee lakas we, refkoogiim tus boo tus a fag.

1 Korint 4:7

Kaa nu njeg kaa nu kañteena! Xar nu pokooxu, too refee ci’it? A soƥangaa koy ee ke nu pokooxna fop ci’it oo, xar taxu nu mbakooxaa nen waa njegtuuna no onj den?

1 Korint 1:5

Yirmande feene refu yee xañee a nuun dara no ten. A ci’a a nuun nu mbaag fa lay, njeg o and itam.

1 Korint 13:8

O mbeq sooƴkee muk. O jo’tanaa a Roog koy xan a faaf, lak ke a sooƴ, o and ee mes,

1 Korint 12:13

In fop, no Yiif leng kut le i mbatiise’e, ndax i mbog, ndefat njer leng kut na Kiristaa, ta ref o Yaawuur mbaat o tefee o Yaawuur, o paɗ mbaat jaambuur. In fop, no Yiif leng le i yerne.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

2 Timote 2:1

Wo o mat o ƥees, fapoori yirmande fee refna na Kiristaa Yeesu.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

2 Korint 9:14

Ne nu sooɓna a den koy, xan a nqeɗanaa a nuun yaam yirmande fa ngupu fee Roog a picitna took nuun.

2 Korint 7:7

Refee soom ne ta fadiidna, ndaa Tiit fa xoox um sax, kaa joƭit a in ne nu saƭakintuuna. A laya a in itam ne i sooɓitna a nuun fo ne nu naqadilooritna fo ne nu sawaritna no nqoxtaam. Ten taxu, o ɗaay es a ɓaatoox ndiiki.

1 Korint 14:12

Yaaga koy, feek ke Yiif le Roog a ci’taa nu ngindaa, mbaaƭyo ke na jokaa mbokatax ne no gimu we fop.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

Hebre 12:28

Fat i ngidim a Roog boog, yaam i ndaawa maat naa waageerna o yen. Fat i lal a Roog o ngidim onqeene, ten refu i ndagooran naa feluuna. Fat i niwin itam, too njeg no ten caƭar.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

1 Korint 12:8

Kaa oxeeke a danqel ɗelem o and na pexey Yiif le Roog, oxaana ɗelem o jeg-yiif,

Mace 25:22

Oxe daaw’ina xa qanjar xa ƭaq axe itam a matiida, a layin ee: ‹Yaal mbind! Xa qanjar xa ƭaq doxin’axamo, rimandaam xa qanjar xa ƭaq xa lakas.›