2 Korint 8:4 - NQAARIIT NE ROOG

⁴ a nqeɗa a in, too a saƭik teen bo, ndax da mbaag o ci’el a mbog no calel keene refna ref o ndimle no tedu we ngenna kam Yudee.

2 Korint 8:4 Referans Kwoze

A pi ake 24:17

Ne rok’uuma a koƥ boo xa kiid xa mayu, too gariim kam Yeerusaleem, ten taxu um nomtooxiid, ɓislooxiid xaaliis ndax um dimle xeet es, soo ɓoxotiid a Roog sadax.

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

2 Korint 9:1

Soxla’atee sax um bindahinaa a nuun kaa farna no ndimle nqe wareena o lultiid we mbogna na xeet fee Roog,

Hebre 6:10

Roog jofaƭaree. Weeckee calel ke nuun muk fo o mbeq onqe nu lalitna no gon um ye nu ndimle’aa fog gimu we nuun, too maad o mbi’an boo ndiik.

1 Korint 16:15

Fog es, a jega lakas kaa um xeɗaa a nuun: Nu anda yee Akayi boo Akayi a xet, mbind Estefanaas eetu o ngim, too nu nga’a ne da mboŋkitna o ndimle’aa tedu we Roog.

Galati 2:10

A maƭooxa a in sax ee i mbara o mbetandoox rool we, too kaaga o mat, topatoox’aanum yaaga.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

1 Korint 16:1

No ke jofna koy no ke na fokataneel tedu we kam Yeerusaleem, kaam bug nu mbi’tan ne laytanuuma pokatax ke no gimu waa no jegel olaa Galati.

O leetar ole Pool a bindna GIMU WE NGENNA ROM 15:31

Nqeɗanaamoo ndax um muc no gimaƭaru we ndefna kam Yudee, nqeɗ itam, ndax o ndimle nqeeke um ɓisaa xeet fee Roog kam Yeerusaleem a jaɓel a paax.

A pi ake 16:15

Ye ta batiise’eena, ten fo wiin mbind um, a xura a in, a lay ee: «A woorangaa a nuun ee gimaam no Yaal oxe, ndokyo no mbind es, ndal meen.» Maaga, a seraan a in, too i njaɓa.

A pi ake 11:29

Daalbe we a ngebooxa yee oxuu refna xan a cooxit poyaa na doole um, ta dimle’tikel fog gimu waa ndefna Yudee.

Mark 14:7

Rool we, owe fa nuun bes fuu refna, too nu mbaaga mbi’an a den paax a mbanuu nu mbugna, ndaa mi, refkiim a ndeer nuun boo faw.

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

Mace 12:50

Yaam oxuu na fi’aa ke Faap es fee na asamaan a bugna, o ndeɓ es o ngoor oo, o ndeɓ es o ndew oo, ya es oo.»

Mace 10:42

Oxuu ci’na o leng na xa teɓandoong axene a tokol foofi fo ɓuuɓu yaam ne ta refna o taalbe es, no ndigil, mexe layaa a nuun ee: Ñakkee o daaw ndabid um.»