2 Korint 8:23 - NQAARIIT NE ROOG

²³ Tiit o mat, kaa ref o yoon es oxaa na jalaa fa mi yaam o njiriiñ nuun. Fog in weene koy, kaa ndef we pokatax ke no gimu we a lulna, too kaa njalaa ndax Kiristaa a ɓoxoteel o ndam.

2 Korint 8:23 Referans Kwoze

Filip 2:25

Ɗeetaam itam boo ga ee nomtiid o pog es Epaforodit cegu o njiriiñ oo. Ten itam, o yoon es no calel ke yoo, a gomreel nen a mi, nu luliidin me mi, ta ɓisiidaam ƭaxir soxla.

Filemon 1:17

Yaaga boog, o humoorangaa fa mi nqaariit, fat o dalnitin ne dalnitkoogaxamoona.

2 Korint 8:6

Ten taxu i nqeɗa a Tiit ta gar me nuun, a muuk ke ta fer’ina, ndax ta dimle a nuun, nu mbadand calel paaxu keene.

3Saŋ 1:8

Ten taxu, in we ngimna, i mbara o ndalnaa wiin um, ndax i ndaar, ndend fa den no qol ole no ndigil ne.

Filemon 1:24

Mark fa Aristark fa Demas fa Lik, we ndefna yoon es no calel ke, den oo, owe simnang itam.

1 Tesalonik 2:2

Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.

Kolos 1:7

Keene koy refu ke Epafaras fee i mbexna mbex, too a ref o yoon in no calel ke, a janginna a nuun. O ten oo, o caajal o tamooxu no calel ke Kiristaa a ndeer nuun a refu.

Filip 4:3

Wo itam, wo fee o yoon es o kore’u xe, koo dimle’i rew weene, yaam kaa ngomrel bo, nen a mi yaam Yegil mbaax ne, fa Kelemaa fo lakas we um yoontaa no calel ke, too a kon den a mbindel no safe le no ñoow ole.

2 Korint 12:18

Mi o mat heblu a Tiit me nuun fo o pog oxe yoonna fo ten. Ii, Tiit o mat kaa mos o nax a nuun? Xeƈa boog kaa Yiif leng le ɗoxee a in na ƭat a leng kut ale?

2 Korint 8:19

Kaa jolna keene sax, pokatax ke no gimu we njilun, ndax ta yoon fa in yaa i ƥisaa o ndimle nqeene i ngadneena, yaam o ndam no Yaal oxe. Neene i laltitaa itam ne i mbugitna o ndimle lakas we.

2 Korint 8:16

O ngidim a hela a Roog, ten oxe ɓekna kam xeeñ le Tiit o jaflax o leng kut ole i njegna na nuun.

2 Korint 7:6

Kaa koy, Roog fee refna o yaayaal no we neewna doole, a yaaltiida a in a Tiit, ye ta fadiidna me in.

YEGIL MBAAX NE YEESU ne Lik a bindtuuna 5:10

Naaga o mat a refit’u fo yoon we ten, Saak fa Saŋ, we xa ƥiy Sebede. Cinj kaaga, Yeesu a laya a Simoŋ ee: «Ba o saɗar dara! Taa paam, o paafaal no wiin o refkaa.»

YEGIL MBAAX NE YEESU ne Lik a bindtuuna 5:7

Maaga, a caxa yoon den we ndeeƭna no suk lakas ne, ndax da ndimle a den. A ngara, too a yipa suk ƭik ke liƥ bo da may boo a suuxaa.

YEGIL MBAAX NE YEESU ne Saŋ a bindtuuna 13:16

No ndigil, mexe layaa a nuun ee: O tag hupee o Yaal um, ne’atiim o tuleer a hup oxe inuuna.

1 Korint 11:7

O koor waree o muxloox, yaam ten refu nitaal fo o ndam Roog, o tew o mat a ref o ndam no koor.

2 Korint 8:18

In we yoonandtan o pog o cegu o niwel kam pokatax ke no gimu we yaam Yegil mbaax ne ta waare’aa.

2 Korint 8:22

I yoonanda fa den o pog in oxe andoona yee i nga’a no ten o jaflax o maak no tig mayu, too a moƴahinin o lalit no jaf leeke, yaam a koolax ale ta jegna na nuun.

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

Tiit 1:4

Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!