2 Korint 8:21 - NQAARIIT NE ROOG

²¹ Yaam refee yee mbaambir no Yaal oxe soom i mbaaƭtaa ke faaxna. I mbugaan itam mbaambir no wiin we.

2 Korint 8:21 Referans Kwoze

O leetar ole Pool a bindna GIMU WE NGENNA ROM 12:17

Ba nu ndabdinooraa ƭomu fo ƭomu. Mbaaƭyo mbaambir no wiin we fop maa nu mbi’itna paax.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

1 Tesalonik 5:22

paaxeer kuu ndefna nu ngoƭan.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

Mace 6:4

O fi’angaan, xan sadax of a fi’u na pet, too yaaga, xan Faap of fee na ga’aa ke ɗasna a rabdong o ten.»

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

Mace 23:5

Kuu da mbi’aa, kaa mbug soom wiin we a nga a den. Kaa ndokooxaa a safe yaaju fo a ndoki maak akaa njegna pic.

Mace 6:1

«Mbootooxyo lalit mbaambir no wiin we yee kaa nu njof, ndax da ƭeet a nuun soom. Nu mbi’angaan, nu njegkee ndabid leng paam Faap nuun fee refna na asamaan.

Ruut 3:14

Ruut a wondooxa paam a caf ake Bowaas boo no feet nqes olaa. A inooxa no mbuyukuun naa, yaaga o leng waagafulee o andid o kend um. Bowaas a laya taa no yiif um ee wiin we mbaree o and ee o tew oxene no cukand ne a gar’u.

Xa peƭit axe 3:4

Neene, xan o fel a Roog, fop a mbugong.

2 Korint 8:20

Kaa i mbootooxaa o njeg gon ɓaal yaam sadax magnoodu ke i ndoxondeena.

2 Korint 8:22

I yoonanda fa den o pog in oxe andoona yee i nga’a no ten o jaflax o maak no tig mayu, too a moƴahinin o lalit no jaf leeke, yaam a koolax ale ta jegna na nuun.

1 Timote 3:7

We mbogeerna no gimu we sax, paax rek a mbarun o andit, ndax bugkaand o jeeraa mbaat ta yenaa no pog ke no ƈiƴ oxe.

1 Maad we 18:34

Cinj kaaga, a hebla waa ndeeƭna maaga yee: «Ƈeewyo qaw nahik foofi, ƥax a den took sadax fa ndoxel fee fo took xa cuuƭ axe.» A layahina a den ee: «Ƥaatyo jaf ɗikandeer», da ƥaat jaf ɗikandeer. A ɓaata o lay a den ee: «Ƥaatyo jaf dadkandeer», soo da ƥaat jaf dadkandeer.