2 Korint 8:1 - NQAARIIT NE ROOG

¹ Fog we, kaa i mbug o andnoor a nuun ne yirmande fee Roog a feeñitna kam pokatax ke no gimu we no jegel ole Makedoni.

2 Korint 8:1 Referans Kwoze

Kolos 1:29

Keene itam refu calel es, um gomriteel doole um, ta jalaa na mi fa katil.

1 Tesalonik 4:10

Keene sax refu o mbeq onqe nu njegna a ndeer no fog gimu we Makedoni fop, ndaa koy fog we, in we nqeɗaa a nuun a koorgoorlax nuun a moƴ o jof mbaambir.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

A pi ake 16:9

No yeng olaa, Pool a feeñooxe. A ga’a o kiin oxaa genna Makedoni a geenoox a xeɗooxan ee: «Koo gari Makedoni, ƴufgiid a in.»

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

2 Korint 9:2

yaam andaam a kebax nuun ale kañoortuuma no Maamakedoni we yee: «Fog we ndefna kam Akayi a ngebooxa boo a ƈut no hiid ole fagun faak.» O jaflax nuun a yo’na moƴ-o-jaak we fop.

O leetar ole Pool a bindna GIMU WE NGENNA ROM 15:26

Kerceen ke Makedoni fo we Akayi kaa ngeboox o mbokat kaa dimle’teena rool gimu we kam Yeerusaleem.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

2 Korint 11:9

Keene reeƭu ƭaxir coxla es, ndax gaɗkiim mbir es no leng na nuun, yaam fog gimu we inoor’ina Makedoni ƥislooxiidu fop ke warna na mi. No kuu ta waag’ina ref kaam mos o wootooxaa o gaɗ a xoox es na nuun, too xeɗaam ta saxaa na mi.

2 Korint 9:12

O ndimle nqe no sadax ke nuun refee ƭaxir coxla no gimu we soom, ndaa kaa ref sax a cur a cookir a njal a Roog.

2 Korint 9:4

Kaam xof yaam ndik Maamakedoni a yooniid fa mi me nuun, too a soƥ waaj nuun ɓelee, soo fakax felaan leene a suptoox gaci na in, yaam ne’katiim sax fee na nuun.

A pi ake 24:17

Ne rok’uuma a koƥ boo xa kiid xa mayu, too gariim kam Yeerusaleem, ten taxu um nomtooxiid, ɓislooxiid xaaliis ndax um dimle xeet es, soo ɓoxotiid a Roog sadax.

Mace 25:22

Oxe daaw’ina xa qanjar xa ƭaq axe itam a matiida, a layin ee: ‹Yaal mbind! Xa qanjar xa ƭaq doxin’axamo, rimandaam xa qanjar xa ƭaq xa lakas.›