2 Korint 7:6 - NQAARIIT NE ROOG

⁶ Kaa koy, Roog fee refna o yaayaal no we neewna doole, a yaaltiida a in a Tiit, ye ta fadiidna me in.

2 Korint 7:6 Referans Kwoze

2 Korint 7:13

Keene riimand’u a qeeñ in. Refee soom ee a yaalax i ndaawu, ndaa i moƴ’a o mbelakinoox itam yaam o ɗaay ole Tiit a jegit’ina na nuun, nuun we ndalin’ina xeeñ um.

Yeremi 31:13

Maaga, roog we xan a mbecoox fo o ɗaay, mbes ke fo a koorgi ke a mbelakinooxandoor. «Xam supit naqad den o ɗaay, yaal a den, felakin a den a cinj ɗom den.

1 Tesalonik 3:2

soo ngebliid a Timote fee o pog in no ngim onqe, too a ref o caajal Roog oxaa na waare’aa Yegil mbaax ne Kiristaa. Kaa i luliidin, ndax ta saƭkand a nuun, a saƭakin a nuun no ngim onqe nu njegna,

Esayi 57:18

Andaam a paax a pesoorooƭ um. Yaqanee koy xam wodandin, ɗoxin soo saƭkinin, ten fo we ñaawooxoogna fo ten.

Filip 2:1

Yaaga boog, a soƥangaa yee yaaloor nuun key na Kiristaa, a soƥangaa yee o laaw nuun a waaga o dal yaam o mbeq um, Yiif leng kut a fokat a nuun, kaam ee a soƥangaa yee o liir fa yirmande a njega,

O leetar ole Pool a bindna GIMU WE NGENNA ROM 15:5

Yaasam Roog fee na muñantaa, too a yaalaa, a fi boo nu mbaag o ñoowaa no njofoor a ndeer nuun, ndeeftin ne Kiristaa Yeesu a laltituuna,

Mace 5:4

We naqadilooxna a ƭaaya, yaam xan Roog a yaal a den!

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

Esayi 12:1

A koom xan o lay ee: «O Yaal oxe, mexe simatang, yaam kaa o fuuxan’aam, ndaa fuux of a ɓoosa, too yaalaxamo.

YEGIL MBAAX NE YEESU ne Saŋ a bindtuuna 14:16

Mi koy, xam xeɗ a Faap fee, ta ci a nuun o Yaayaal oxaa na refkaa fa nuun boo faw.

2 Korint 7:7

Refee soom ne ta fadiidna, ndaa Tiit fa xoox um sax, kaa joƭit a in ne nu saƭakintuuna. A laya a in itam ne i sooɓitna a nuun fo ne nu naqadilooritna fo ne nu sawaritna no nqoxtaam. Ten taxu, o ɗaay es a ɓaatoox ndiiki.

2 Korint 7:14

Wariim o sed o fakoor a nuun o ndik mbaambir Tiit, yaam ndiiki a xoola yee ndigil layum. Ne i laytaa layit a nuun ndigil ne, neene o mat ke i mbakoortaa na nuun mbaambir Tiit a reftu ndigil.