Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.
Kaam ee, an i yaakaaru o njegit no ten o ɗaay fo a kañax nen o ndip? Mee ndax nuun soom a refkaa mbaambir no Yaal in Yeesu, na waxtu fee ta nomtooxiidkaa?
Nu anda itam ee ye i ngelkaa fo ngar me nuun, i ñagadil’e, mbenel kam teeru fee Filip. Kaa koy, Roog a ci’’a a in njambaar, ndax i yegniid a nuun Yegil mbaax ne ten, ke i mbañ’eena fop oo.
Kaam cungaa rek, too yaakaaraa yee jegkiim gaci. Feek naa moofum, too boo kili, xan Kiristaa a ɓoxotel o ndam no cer es fa doole, ta ref um sutel kaso mbaat um wartel teen,
Keene sax kaam sedat o moof liman. Kaam foog ee in o mat, kaa i ndeyaƭar’u, ndax i ndoon a nuun keene. Mi sax ƭooɗofir ƥor um layataa, yaam andaam ee kuu o mbindeef a saɗna, saɗaanum.
Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.
Ndiiki koy, o ndik soom nu andafulu no keene, ndaa no ñaal naa o Yaal oxe Yeesu a nomtooxiidkaa, xan nu mbi a in kañoor nuun ne i mbi’itna a nuun kañoor in.
Wariim o sed o fakoor a nuun o ndik mbaambir Tiit, yaam ndiiki a xoola yee ndigil layum. Ne i laytaa layit a nuun ndigil ne, neene o mat ke i mbakoortaa na nuun mbaambir Tiit a reftu ndigil.
Ten taxu nu ndefat kañoor in kam pokatax ke no we ngimna na Roog, yaam ne nu njegna o muñ fo o ngim kam ñagadil ke fop fo naqad ke fop na ndalaa took nuun.