2 Korint 7:11 - NQAARIIT NE ROOG

¹¹ Ƭeetyo rek ke naqad feene inoorna na Roog a rimanna a nuun. Kaa rimaa fitna fo a baasnax fo fuux fo caƭar fo a tiilax fo o jaflax fo o nqasan. No kuu ta waagna o ref oo nu lalta na qoox nuun ee nu nqoola no keene fop.

2 Korint 7:11 Referans Kwoze

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.

2 Korint 7:7

Refee soom ne ta fadiidna, ndaa Tiit fa xoox um sax, kaa joƭit a in ne nu saƭakintuuna. A laya a in itam ne i sooɓitna a nuun fo ne nu naqadilooritna fo ne nu sawaritna no nqoxtaam. Ten taxu, o ɗaay es a ɓaatoox ndiiki.

1 Korint 5:13

We mbogeerna na in, Roog na hate’kaa a den. Oxe andoona koy ee o ten fogu na nuun, too a soxod, nu mbaru o ndax, ne a Pind a Tedu ke a laytuuna.

A kim a tedu ke 2:11

Mbaɗooxyo o Yaal oxe fo caƭar, send mbaambir um too njeg teen o ɗaay.

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

Yudaa 1:23

Mucilyo a den, nen kaa nu sutit a den na fiɗel. Yirimyo lakas we itam, ndaa koy fat nu njeg kaa nu saɗarna na den: Mbootooxyo toki ke den sax, nen kaa a yuxum den a ndoɗgandna.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

1 Piyeer 1:17

Oxe na hate’kaa wiin we fop, oxuu refna no ke ta fi’na, too jegee camit, kaa nu nqoyan «Faap» kam a qeƭ nuun. Ten taxu koy, ñoowyo no saɗar a Roog, no ngap onqe nu maadkaa o ndefaa na adna fee.

Hebre 4:1

Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

Filip 2:12

Fog es we fexuuma, naa nu moofu kaa nu nananaam. Ten taxu, kaa nu mbar o ƭofit o ñoow nuun no ngim a duuf, nu ngebooxin fo a qalaat fo o saɗar a Roog. Keene koy, baa ref soom yaa nu mbaagaxama o ndoon a ngid. Kaa nu mbar o moƴ o njofnoox teen ndiiki fee goƭuuma a nuun,

Efees 5:11

Ba nu njeg a las a leng na pi a cegee njiriiñ ake no we ndefna kam o niɓaan ole, ndaa nguyityo a den.

Efees 4:26

Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

2 Korint 13:7

Yaaga boog, kaa i nqeɗaa a Roog, ndax nu mbi’kee kaa ɗomna. Refee yee ndax ƭeetlax ne a ref na in o nqaaƈ, ndaa ndax nu mbaag o mbi’aa paax, a soƥangaa sax ee ƭeetlax ne in kaa ref njom na in.

2 Korint 9:2

yaam andaam a kebax nuun ale kañoortuuma no Maamakedoni we yee: «Fog we ndefna kam Akayi a ngebooxa boo a ƈut no hiid ole fagun faak.» O jaflax nuun a yo’na moƴ-o-jaak we fop.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

2 Korint 6:4

Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 2:6

A qaw ale moƴ-o-jaak we na nuun a ndoonna o kiin oxeene a deya.

1 Korint 12:25

ndax nqaajoor jegkee no cer ke. A seek aluu refna no ke fokatoorna, a ref njer leng kut ne, a topatooxaa o kend um.

1 Korint 5:2

Ii, ɗeeti keene koy, soo nu nga’atinooxaa! Nu mbar’u o naqadiloox, soo oxe fi’na keene, nu sutin a ndeer nuun!

O leetar ole Pool a bindna GIMU WE NGENNA ROM 11:20

Keene ndigil kak oo de! Kaa a naaq ake a ƭeg’el yaam o ñak o ngim den, soo wo o mat o dugandel na seek den yaam o ngim of. Kaa koy, ba o laasoox na dara. Kaa o war o saɗar kañ,

A pi ake 17:16

Ye Pool a cungaa a Timote fa Silaas Aten, xeeñ um a feƭar’a lool, yaam ne ta ga’’ina teeru faa a may fo nitaal kaa da mbi’na Roog.

YEGIL MBAAX NE YEESU ne Saŋ a bindtuuna 2:17

Maaga, daalbe we ten a mbetandooxa ke a Pind a Tedu ke a layna: «O mbeq onqe damtuuma Mbind of kaa nand nen fiɗel laa na kaƥaa no xeeñ es.»

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

Dañel 6:14

A kafahina fa lay faa soo a lay o maad oxe yee: «Dañel koy fee fogna no we ƥistiideena Yudaa took o hup doole, a ƭat um yongee na wo, wo daali maad, fo no ke xañtoona too dalnin. Kaa xeɗaa a Roog um a caf a tadak ñaal nuu refna.»

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Esayi 26:8

Wo o Yaal oxe, wo i yaakaaru na ƭat ale no kate ke wo. Ke xa laaw in a mbugna, refu o ne’aa gon of, a ƈufginooxang.

A kim ale na kim ake 8:6

Faƭaam no xeeñ of nen mandarga, nen o anddiloor olaa refna no ɓay of, yaam mbug kaa jeg doole lool nen fa nqon, a ɗom boo nen a jaaniif, a doxaa riw nen ƈulfaan sumu jip, nen fiɗel laa moƴna o saas.

Xa peƭit axe 28:14

Oxe na saɗaraa o fi paaxeer a ɗaaya, oxe na ŋajaa mat kaa yenaa na taamaala.

Xa peƭit axe 14:16

O cegu yiif oxe kaa saɗaraa paaxeer, a wootooxan, fanxoy fee mat a foolaa a fi, yaam a foog ee oxey no woor.

A kim a tedu ke 145:19

Kaa jaɓaa a qeƭ no we saɗaruuna, a nanaa a ƈufginax den soo a mucil a den.

A kim a tedu ke 130:6

O laaw es kaa tayaa o Yaal oxe kupu ne o yeeyetax a taytaa nqes ne, kaam ee kupu ne o yeeyetax a taytaa nqes ne.

A kim a tedu ke 119:139

Kaam fuuxaa boo waagkatiim o lay, yaa ga’uuma fañ es a mbeecaa ke hatna no don of.

A kim a tedu ke 69:9

Kaam refat o kenar no we i numna ƭeen leng, we fogtuuma yaay fa leng a ngamataxam.

A kim a tedu ke 42:1

O yaal a ƭat ale no jeejeek we a xoolne yee a cangtax alaa gimeena yoo, a fog na ke no Kookoora we.

A kim a tedu ke 38:9

Jegatiim o ndoole, ɗeg cut. Kaam iinaa yaam o jaq ole no xeeñ es.

A kim a tedu ke 35:13

Ye da njirna, kaam laltoogu naqad es, neewandoortaa koor soo gen no xeɗaa tigi.

Nehemi 13:25

Xasanaam a den soo saloox a den. Xawaam leng-leng na den soo ɓuut wiil den. Cinj kaaga, daaɓooxnooraam a den no gon Roog da mbañ o ci’tat xa ƥiy den a tolax me no goor jan we mbaat da ngilgan xa ƥiy xa koor axe den mbaat a qoox den rew jan.

2 Korint 7:9

ndaa ndiiki kaam felakinooxaa teen. Refee yee naqad fee nu njeg’ina taxun, ndaa yaam ne naqad fee nuun a taxna nu mbes pakaad nuun a cinj. Naqad fee nuun na Roog a inooru, boo ten taxu i ndoonee a nuun paaxeer leng.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

1 Timote 5:20

We ngenna no mbakaadaa, fat o xasanaa a den mbaambir no fop, ndax lakas we a saɗar o mbi leng kut ke.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.