2 Korint 7:10 - NQAARIIT NE ROOG

¹⁰ Yaam naqad fee inoorna na Roog kaa gartaa o fes pakaad a cinj na ɓisaa na muc ale, too ricooxkaand boo muk. Naqad fee na adna fee koy, fa nqon soom a rimaa.

2 Korint 7:10 Referans Kwoze

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

A pi ake 11:18

Ye da nanna kaaga, a naangayo cel, a simataa a Roog, a lay ee: «Yaaga boog, Roog kaa ci we ndefeerna Yaawuur, da mbes pakaad den a cinj, ndax da njeg o ñoow ole.»

2 Sami’el 12:13

Maaga, Dawid a laya a Natan ee: «Tooñaam o Yaal oxe!» Natan a layaan ee: «O Yaal oxe a waasanaang tooñ of, too xonkiro.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

YEGIL MBAAX NE YEESU ne Lik a bindtuuna 15:10

Neene itam, mexe layaa a nuun ee: Xan o ɗaay o maak a jeg mbaambir no malaaka ke Roog yaam o paabakaad o leng kut oxaa fesna pakaad um a cinj.»

Yoona 3:10

Roog a ga’a ne wiin we Niniif a mbesoorna, too a ga’a yee a mbesa a pi a paaxeer ake den a cinj. A ricooxa paaxeer ke ta bug’ina o fi a den, soo a waasan a den.

Hebre 12:17

Nu anda yee taa mbaambir, a bug’ata o daaw barke fee faap um, ndaa a xañit’e o ten. Jeg’atee pexey naa ta suptitna ke ta fi’’ina, too xa lool axe ta looloogna ƭax’atee teen dara.

Xa peƭit axe 17:22

Kam fa mbelu kaa ci’taa o wod-fo-ɓaal, xeeñ naqadilooxu mat a ŋeesaa cer.

Yoona 4:9

Roog a laya a Yoona yee: «Ndax jegaa kaa fuuxantoona mbatarpooli nene?» Yoona a doonin ee: «Jegaanum moos, waraam o fuux boo na fa nqon!»

1 Sami’el 30:6

Dawid a jaq’a lool, yaam yoon we ten kaa mbaajoogun o mbarit a kac. Oxuu refna na den, kam um kaa feƭar’u lool, yaam a xalaataa xa ƥeem. Kaa koy, Dawid a saƭakinooxa no Yaal oxe Roog um,

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

Mace 26:75

Maaga, Piyeer a wetandooxa ke Yeesu a lay’uuna yee: «A siik laykee, too layiro boo a caf a tadak ee andiraamo.» A inooxa maaga, a naag ciic a lool.

Yoona 3:8

Fat wiin we fo cegel ke a nderoox xa saaku. Fat oxuu refna a ƴufginoox a Roog, a fes a cinj a pesoorooƭ a paaxeer um fo a pi a yednu ke ta fi’taa xa ƥay um.

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Xa peƭit axe 18:14

A koorgoorlax no kiin na damtan no jir um, ndaa a gooyangaa, an na inatinkan?

Xa peƭit axe 15:15

Ñaal ke no ñaatu xe fop kaa mbeƭaraa, oxe kam um a felna mat a gen no mbumbaay.

Xa peƭit axe 15:13

Kam fa mbelu kaa letnaa a tagid, xeeñ naqadilooxu mat a gooynaa.

1 Maad we 21:4

Ahab a nomtooxa no mbind um, a naqadiloox soo a fuux boo a buɓaa yaam ne Naboot fee gen’ina Yisre’el a doon’uuna yee cooxkiran lam ne ta xotitna no daan um. A wondooxa no njong um, a geleeroox a faambir fo tabax ne soo a fañ a ñaam.

2 Sami’el 17:23

Ye Ahitofel a ga’na yee o as ole ten reefaand, a humna o faam um, a xaad na teeru fee ta gen’ina. A regdinooxa mbind um soo a xiroox. Neene a xontu, a gasel na mboy alaa faap um.

2 Sami’el 13:4

Yoonadab a laya a Amnon ee: «Xar taxu o moƴaa moƴ o gooy nqes nuu refna, wo fee o ƥiy no maad? Ndax waagiraamo o lay ke taxuuna?» Amnon a doonaan ee: «Kaam bug a Tamaar fee o cigeen Absalom fee o ndeɓ es.»

Mberaand 30:1

Ye Rakel a ga’na yee rimee fa Yakoob, a dalfooxa o naalaa a Leya fee o maag um, soo a lay a Yakoob ee: «Kaa o rimkaa fa mi mbaat um xon!»

A kim a tedu ke 38:18

Fa nqon doŋ yoqɗooreem, too ɗom es oxey fa mi kili.

O baawaare xe 7:3

Naqad moƴu cal, yaam a waaga feƭarin a tagid, ndaa kaa saƭkandaa o kiin.

2 Korint 7:9

ndaa ndiiki kaam felakinooxaa teen. Refee yee naqad fee nu njeg’ina taxun, ndaa yaam ne naqad fee nuun a taxna nu mbes pakaad nuun a cinj. Naqad fee nuun na Roog a inooru, boo ten taxu i ndoonee a nuun paaxeer leng.