2 Korint 7:1 - NQAARIIT NE ROOG

¹ Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

2 Korint 7:1 Referans Kwoze

1 Tesalonik 4:7

Yaam Roog xoyee a in, i mbi’aa caasaay, ndaa ndax i ted.

1 Piyeer 2:11

Nuun we fexuuma, ke nu ndefna ndef genar fo xa kataakoon fop oo, mexe maƭooxaa a nuun, nu mbootoox a yaaw cer a paaxeer ake na ñoxoraa fo o laaw ole.

Xa peƭit axe 8:13

O saɗar o Yaal oxe refu o fañ paaxeer. Ke sibuuma refu o nga’atinax fo a magnandax, a pi a paaxeer fo fa lay fa naanaxir.

Saak 4:8

Matiidyo me Roog, too xan a matiid a nuun. Nuun baabakaad we, mbaasyo bakaad. Nuun wiin a yiif-a-ƭak, sutyo paaxeer na qeeñ nuun.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

1Saŋ 3:3

Ten taxu, oxuu jegna yaakaar neene no ten, kaa xoolandooxaa ne ta xoolitna ten fa xoox um.

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Esayi 55:7

Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.

1 Korint 6:20

Yaam njigand maak nu mbatte. Yaaga koy, fat Roog a waag o jegit o ndam no cer nuun.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Hebre 4:1

Roog a rega a in ee xan i ñootnoox fo ten. Fat i mbootoox a paax boog, yaam ndik o leng na nuun a ga ee rokee na ñootnax aleene.

Xa peƭit axe 16:6

O mbeq fo ngor kaa muuraa tooñ, o saɗar o Yaal oxe a taxaa o wootoox paaxeer.

Mace 5:48

Fat nu ñak sik boog ne Faap nuun fee na asamaan a ñakitna sik.»

Mace 5:8

We njegna xeeñ xoolu a ƭaaya, yaam xan a nga a Roog!

A kim a tedu ke 119:9

Nam o ndeɓandoong onqe a jegitkaa o ñoow o xoolu? Yaa ta gayaa ke hatna no don of.

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

O leetar ole Pool a bindna GIMU WE NGENNA ROM 5:20

Kebil ke o mat, kaa mbudooxiid, ndax bakaad fee a moƴ o ɓaatoox. Kaa koy, muu bakaad fee a ɓaatoorna, yirmande Roog a moƴ o siw.

Esayi 1:16

Ƥogooxyo, ƥogdinoox! Fat a pi a paaxeer ake nuun a naang faq, nu mbaas paaxeer ke nu mbi’aa.

Xa peƭit axe 30:12

Sabab took no we na nqalaataa yee a nqoola, too ƥogdooxee no nqoolaƭar den.

1 Piyeer 5:10

Roog fee mayna yirmande, xoyu a nuun na Kiristaa, ndax nu mbog no ndam o mbagkeer onqe ten. Roog fa xoox um xan a fap a nuun na Kiristaa, a cinj yaa nu coono’na o ndik, a saƭkand a nuun, a ci a nuun doole, a fi a nuun bo nu mbaagkee o yen.

Hebre 12:28

Fat i ngidim a Roog boog, yaam i ndaawa maat naa waageerna o yen. Fat i lal a Roog o ngidim onqeene, ten refu i ndagooran naa feluuna. Fat i niwin itam, too njeg no ten caƭar.

Hebre 12:23

fo mbokatax ne no gimu we ndefna taaw ke Roog, a kon den a mbindeena na asamaan. Nu matiida a Roog fee refna o kaahate no wiin we fop, matiid a yiif ake no wiin jofu we ñakna sik.

1 Tesalonik 3:13

Yaasam ta saƭkand a qeeñ nuun kam o tedel o jegee ŋañel leng paam Roog Faap in, boo yaa o Yaal in Yeesu a garkaa, a yoon fo tedu we ten fop.

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

A pi ake 9:31

O fog ole no gimu we a ref’ata na jam kam xa cegel axene fop: Yudee fa Galile fa Samari. Kaa jokooxoogu, a ñoowaa no saɗar o Yaal oxe, soo a xayaa no pexey o ndimle nqe no Yiif Tedu le.

Mace 12:33

«Nu mbugangaa o njeg xa tim xa paax, nduufyo ndaxar mbaax! Nu njegangaa ndaxar mbaaxeer, xan nu njeg xa tim xa paaxeer. Ndaxar no rim ole a andditeel.

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Yeremi 4:14

O Yaal oxe kaa tee: «Wo Yeerusaleem, ɓogdi xeeñ of no kañaan, ndax o muc. A qalaat a paaxeer of ake kaa ngenkaa kam of boo a mban?

Xa peƭit axe 20:9

An waagu o lay ee: «Dapaam xeeñ es, xool qac na bakaad»?

A kim a tedu ke 19:9

Bargal ke no Yaal oxe kaa njof, a mayƭandaa xeeñ fo o ɗaay. Kebil ke no Yaal oxe kaa lewet, a nqooldandaa a kid.

2 Caloori ke 19:9

A hebla a den ee: «Fat nu mbesoor neeke took o saɗar o Yaal oxe fo ngor fo xeeñ damooxu:

O baawaare xe 11:10

Sambrandi xeeñ of fa naqad too goƭatirand cer of fo ke na ɓekan coono, yaam ndeƥandoong kaa faafaa nen mbeet.

Hebre 6:9

Kaa koy, nuun we fexuuma, kuu i laytaa layit neene fop oo, i njega a koolax tigi na nuun. I anda yee nuun we ndeefaa a ƭat a cofu le, refna ale na ɓisaa na muc ale.

1 Piyeer 1:15

Ne oxe xoyna a nuun a teditna, fat nu ndef wiin tedu kam a pesoorooƭ nuun fop,

1 Piyeer 1:17

Oxe na hate’kaa wiin we fop, oxuu refna no ke ta fi’na, too jegee camit, kaa nu nqoyan «Faap» kam a qeƭ nuun. Ten taxu koy, ñoowyo no saɗar a Roog, no ngap onqe nu maadkaa o ndefaa na adna fee.

A paɗax ale 13:58

Boo ndikoorik naa xuurna a laxadeena, ta ref ñirax mbaat a naf a ño’te o ɓay mbaat o ƥaxañ o jalte ƭool, soo a quur ale a wat, a ware o laxad jaf ɗikandeer, ndax ta xool.»