2 Korint 6:9 - NQAARIIT NE ROOG

⁹ Kaa i ƭeeteel nen wiin andaande, ndaa i ande a paax, nen waa na nqonaa, too ndef waa na ñoowaa jok, ne nu andtuuna. Kaa i nqaweel, too i mbarnoorkaand,

2 Korint 6:9 Referans Kwoze

O leetar ole Pool a bindna GIMU WE NGENNA ROM 8:36

Keene kaa ref nen ke layeena kam a Pind a Tedu ke yee: «Ñaal oo ñaal a jega na in waa na mbareel yaam o sagin of, soo i ƭeeteel nen paal kaa na ƥiseel no warand.»

2 Korint 11:6

Xeƈa a waaga o ref no fel-o-ɗek, ndaa refee muk no and, too i mbeeñlaan a nuun muu ta waagna waag o ref fo no kuu refna.

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

1 Korint 4:9

Yaam kaa nandaam nen kaa Roog a jang a in, in apootar we, a fi a in a las no wiin, i mberanel fa nqon, ndef calat na adna mbaambir malaaka ke fo wiin we.

2 Korint 5:11

Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.

1 Korint 15:31

Fog es, bes fuu refna, o ñis es oley no xoƥ nquƭ, ta woor boo ne nu ndefitna qaaƴoor es no mbokatoor ne i njegna no Yaal in Yeesu Kiristaa.

1 Korint 11:32

Kaa koy, o Yaal oxe kaa hate’aa a in, a yaraa a in, ndax i saŋkooxandoorkee fo wiin adna we.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

A pi ake 25:26

Kaa koy, ga’iim dara kaa heluuma o bind o maad o maak oxe no kaa farna no ten. Ten taxu um ɓisiidin mbaambir nuun, moƴtaa sax mbaambir of, wo o maad Agiripa, ndax nu laamtangaan, um jeg kaa binduuma no ten.

A pi ake 25:19

Kaa ñimatiroogu fo ten kaa farna na ƭat den rek fo kaa farna na Yeesu fee xonna, too Pool a weer na: Oxe ñoowaa.

A pi ake 19:26

Kaa nu nga’ee, ndi kaa nu nanee ke o koor oxene, tee Pool oo, a fi’na? Kaa lambnaa yee ‹Nitaal ke nu mbi’na roog ndefee Roog.› Ndiiki koy, oxe gimnooraa wiin mayu, refee kam Efees soom, ndaa boo no moƴ-o-jaak olaa no jegel olaa Asi sax a ngima.

A pi ake 17:18

Yaal-o-and waa mbog’ina na cang a ƭak a maak ake ne’eena Epikuriya fa Estoysan a njeetaayooga fo ten. Leng we kaa laamtoogu yee: «Ndi xar o wayoom olene a bugu lay?» Lakas we koy, a laya yee: «Kaa nandtaa oxaa na waare’aa roog kaa i andeerna.» Kaa layoogu keene, yaam kaa nanoogu Pool a waare’aa Yegil mbaax ne no kaa farna na Yeesu fo na qontax ale.