2 Korint 6:7 - NQAARIIT NE ROOG

⁷ fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

2 Korint 6:7 Referans Kwoze

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

2 Timote 4:7

Maafreem njom mbaax, fagiɗ o sep ole, too ɗapiim o ngim onqe.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

Efees 3:20

Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

2 Korint 7:14

Wariim o sed o fakoor a nuun o ndik mbaambir Tiit, yaam ndiiki a xoola yee ndigil layum. Ne i laytaa layit a nuun ndigil ne, neene o mat ke i mbakoortaa na nuun mbaambir Tiit a reftu ndigil.

A kim a tedu ke 119:43

Fat fa lay fa ndigil a hataa no don es kili, yaam kaam cungaa ke simtoona.

Hebre 2:4

Na waxtu faaga sax Roog a saƭkanda seede den fo xa anddiloor fo comlaand fo xa qos a pi katil akuu ndefna. A lasta itam ci’it ke no Yiif Tedu le ne ta bugitna.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

Efees 4:21

A wooraxam ee nu nana Yeesu a layteel, too nu njangne ndigil ne refna no ten, nu ndefangaa kerceen kañ.

1 Korint 1:24

Kaa koy, no we ngimna fop, ta ref o Yaawuur mbaat o tefee o Yaawuur, Kiristaa refu doole fo o jeg-yiif ole Roog.

A pi ake 11:21

O ɓay katil no Yaal oxe fa den a reeƭu. Wiin mayu a ngima, too a ndamooxata no Yaal oxe.

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

Esayi 59:17

O cofel oleene refu ndoki njelem ne no ngang um, soo a muc ale a ref o maxanda xire um. A rokooxa ndoki ndabdinoor ne soo a huloox o jaflax nen sabadoor.

Esayi 11:5

O cofel na refkaa a maaƭ um, soo ndigil a ref o kumnoor ndet um.

Xa peƭit axe 3:16

O xuuɗ-o-ñis fodun na ñamaak, halal fo o ndam a mbodin na janoon.

A sutax ale 14:22

Ii-isra’el we a nqaaña o maag ole, a ndak took beeru, too poofi ke kaa ndeeƭu nen tabax sipe na ñamaak den fo na janoon den.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.