2 Korint 6:5 - NQAARIIT NE ROOG

⁵ Kaa i nqawel, mbegel kaso, wiin mayu a sii’nel a in, i nqijlandel, ƭaanarel, nqeexel.

2 Korint 6:5 Referans Kwoze

2 Korint 11:27

Kaam genit calel fo coono, genit ƭaanar fo nqeex fo a koɗom. Kaam ñakoogu ñaamel, jogoñeel, ɓaŋdeel.

A pi ake 17:5

Kaa koy, Yaawuur we a may’a fo ciis. A ndalfooxa o mbokat a laƭti ke ndeeƭna no ped ke, a yo’in faan laa soo a inooxan teeru faa. A yena no mbind Yaason, too a mbaaƭooga maa da ƥisitna a Pool fa Silaas mbaambir xeet fee.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Hebre 13:23

Kaam bug nu and ee o pog in Timote a sute kaso. A teelangaa o gat, xam yooniid fo ten, ɗeetiid a nuun.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

Hebre 11:36

Lakas o mat a njaɓa o ñawle’eel, a nqawel xa cap, boo leng-leng a njengel, soo a ƥekel kam kaso.

2 Timote 4:5

Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

2 Timote 2:9

Yegil mbaax neene taxu um coono’aa boo jengel neeke nen a saasaay. Kaa koy fa lay fee Roog jengaand.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1 Timote 4:10

Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

1 Tesalonik 2:9

Fog es, ƥekyo na yiif nuun ne i njalitna kam coono ñaal fo o yeng, ndax i ndoxondkee o leng na nuun a toq in, ye nu mbaare’eel Yegil mbaax ne Roog.

Filip 1:13

Yaam xiixire we mbogna no xeloorand ole fo lakas we fop a anda yee Kiristaa taxu um jengel.

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

1 Korint 15:10

Yirmande Roog soom taxu um ref ke refuuma xaye, too yirmande um fa mi yenee na ngas, yaam kaam daar, hupiɗ a den jale. Wariim o lay sax ee mi jalu, ndaa yirmande fee Roog a dalinna a ndeer es fo ten.

1 Korint 7:5

Ba o leng a goƭ o lakas oxe, a refangeerna kaa laytin, yaa da mbugna o nqeɗ. Cinj kaaga, fat a ndakoox na yoon, yaam ne da mbaagkateerna o ngarin a qoox den, soo Saytaane a rokatiloox, a fog a den.

1 Korint 4:11

Boo fa ndiik kaa nqeex a maad fa in, xa pud in a ƥac, i yoq ƭuc, muu i ngeenooxna, i njuumel xa ƭong, njoqooyooxaa ndetaa.

A pi ake 28:30

Pool a gen’a xa kiid xa ƭaq xa muum na ndok ale ta jang’ina, too maaga a dalnoogu we ngaroogna me ten fop.

A pi ake 26:29

Pool a doonaan ee: «A waaga o ref ndiiki de, a waaga o ref taa mbaambir itam. Kaa koy, kaam xeɗaa a Roog, boo refkee wo soom, ndaa weeke na nan-gilooxaxam xaye, nuun fop, nu ndefat ke refuuma, bo ta yoqaa a cengir akeeke.»

A pi ake 26:10

Keene sax fi’aanum Yeerusaleem. Daawit’aam sañ-sañ no saasadax maak we, too wegnooraam gimu mayu kam kaso. Yoon’aam itam na bar ale da mbaroogeena.

A pi ake 24:27

Cinj xa kiid xa ƭaq, Porsiyus Festus a rondanda a Feliksi, a refat gofornoor. Feliksi fee andoona koy ee kaa felna Yaawuur we rek a bug’u, a xaƴa a Pool kam kaso faa.

A pi ake 23:35

a layaan ee: «Bo um laamtang, we na njambang a mbadiid.» Cinj kaaga, a hebla yee fat Pool a geekel no saŋe naa Herood.

A pi ake 23:10

Ne coowoor ne a moƴ’atna o jegaa doole, kelfa fee no xiixire juni we a saɗar’a yee xan wiin we a nduguñ a Pool. Naaga, a hebla xiixire waa da ndet, a sut a Pool a ndeer Mal naa, a ƥisin no saŋe naa.

A pi ake 20:31

Yetooxyo boog, too mbetandoox ee xa kiid xa tadaq axey jegee ñaal fo o yeng olaa maƭooxeeruuma oxuu refna na nuun, fi’in boo loolaa sax.

A pi ake 14:23

No mbokatax no gimu nuu refna a njilana a den maak. A cinj ye da ngoorna, a nqeɗ boo a ƈut, a mbokata a den fo o Yaal oxe da ngim’atna.

A pi ake 14:19

Maaga, a jeg’a Yaawuur waa inoor’ina Ancook fo Ikooñum. A ƈaxa faan laa nof, boo da ndeɓataa a Pool a kac, ndax da mbarin. Naaga, a ƭooqaan boo ta sutoox teeru faa, yaam kaa mboog’u yee a xona.

A pi ake 13:3

Maaga, a cinj ye da ngoorna, a nqeɗ boo a ƈut, a ndoona a den xa ƥay, soo a nqaƴ a den da ndet.

A pi ake 5:18

Naaga, a mbaara a caf o mbap den na den, soo a ƥek a den na kaso faa na teeru faa.

Mace 14:10

A lulta na kaso faa ndax xoox laa Saŋ o Paabatiise xe a ɗegel.

Mace 14:3

Herood fa xoox um kaa damnoor’u a Saŋ o Paabatiise xe, soo a jengin, a ɓekin kaso yaam Herojas, o tew Filip fee o ndeɓ Herood,

Mace 9:15

Yeesu a doona a den ee: «Ndax we na ngulookaa a mbaaga ñak o sawar yaa o kor-no-kulook oxe a refna fa den? Ñaal ke o kor-no-kulook oxe a refkateerna fa den owe ngaraa, too yaaga xan a ngoor.

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Yeremi 38:6

Kelfa ke a njanga a Yeremi, ndax da ƥekin no mband mbaqe ne Malkiya fee o ƥiy no maad oxe reeƭna no maax ole no yeeyetax we. A yoornita teen a Yeremi xa ƥaak. Jeg’ee foofi kam mband mbaqe ne, ndaa a jeg’a no dung ole lopopooƈ, too Yeremi a loofa kam fee.

Yeremi 33:1

Ye Yeremi a maadna o wegeel no maax ole no yeeyetax we, o Yaal oxe a daawnaan fa lay um jaf ɗikandeer ee:

Esayi 53:5

ndaa a dibe yaam pakaad in, a xawel yaam njofaƭar in. A qaw ale a dala took um, ndax i njeg jam, too na pexey a uut ake ten i mbodtu.

2 Caloori ke 16:10

Aasa a dalfooxa o sayan o ƭeet oxe soo a wegnoorin kaso yaam fa lay fee no xeene kaa fuuxnoor’un lool. Na jamaane fa leng kut faaga, Aasa a refa no toroxandaa itam leng-leng na xeet um.

1 Maad we 22:27

Fat o layanaam a den, da ƥek o mbindeef onqene kaso, too baa cooxeel ñaamel mbaat foofi fo deyu boo yaa um gatkaa na jam.»

A cangatin ale 25:3

Kaa rek, xa cap axe mbaree o njol qarɓeen nahik, yaam a njolangaan, xan o pog nuun oxeene a niwaƭarel na kid nuun.»