2 Korint 6:4 - NQAARIIT NE ROOG

⁴ Kaa jolna keene, kaa i laltaa no fop ee dag Roog i ndefu. Kaa i ndoxondooxaa fo o muñ coono ke fo naqad ke fo a yogorlax ake.

2 Korint 6:4 Referans Kwoze

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

2 Korint 4:8

I toroxande na seek aluu refna, ndaa i moxoñooxee muk, njaaxiɗ, ndaa i mosee o ñak yaakaar.

2 Korint 11:27

Kaam genit calel fo coono, genit ƭaanar fo nqeex fo a koɗom. Kaam ñakoogu ñaamel, jogoñeel, ɓaŋdeel.

2 Korint 12:12

Ke na laltaa yee apootar tigi refum a feeñle mbaambir nuun na pexey o muñ no kuu refna fo xa anddiloor fo comlaand fo a pi katil.

2 Korint 3:6

Roog waagnooru a in, i ndef jaajal no ngiɓoor nqas ne, reefeerna no kebil ke mbindeena ndaa no Yiif Tedu le. Kebil ke mbindeena kaa mbarnooraa, ndaa Yiif le o mat kaa ci’taa o ñoow.

1 Korint 3:5

Xar Apolos mbaat Pool a ndefu? Faɗ lule soom i ndefu, waa mbi’oogna, oxuu refna ke o Yaal oxe a coox’uuna, ndax nu ngimit na in.

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

Mbeeñil 3:10

Yaam ne gayoona ke layuuma no kaa farna no saƭkel, ten taxu mi itam oo xam gaynaakong na jamaane fee Roog a toroxandkaa adna fee fop, ndax ta ɗeetloox we ngenna no lanq ke fop.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

1 Korint 4:1

A soƥangaa yee neene tige a saxtu koy, kaa nu mbar o ƭeet a in nen dag Kiristaa waa ndoxneena o ndaawnaa lakas we kunpa ke ndefna na Roog.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

2 Timote 4:5

Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

2 Timote 2:24

O tag no Yaal oxe waraand o xasraa. Kaa war o jamsa’ooraa kañ fo fop, a waag a cangin, a ref o kiin o muñu.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

1 Timote 2:15

Kaa koy, xan a muc na pexey o ƥiy onqe reefandteena no ten. Yaqanee koy, a wara o saƭik no ngim onqe, a yelef, a saq o mbeq, a gen no tedel.

1 Tesalonik 5:14

Fog we, in we maƭooxaa a nuun kene: Soqyo we tayilna, saƭakinaa we mboosna, ndimle’aa we neewna doole, njeg o muñ a ndeer no wiin we fop.

1 Tesalonik 3:7

Fog we, o ngim nuun a taxa boo i mbaag o yaaloortaa na nuun kam coono ke fo natu ke na ndalaa took in fop.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

2 Korint 11:23

Ndax kaa ndef jaajal Kiristaa? Um lay a nuun ƭof boog, yaam mi moƴun o ref a den. Kaam moƴ o jal a den, moƴ o ɓekel a den kaso, moƴ o xawel, boo kaam gen’u sax no ñaaƴaa took a semb es.

2 Korint 11:9

Keene reeƭu ƭaxir coxla es, ndax gaɗkiim mbir es no leng na nuun, yaam fog gimu we inoor’ina Makedoni ƥislooxiidu fop ke warna na mi. No kuu ta waag’ina ref kaam mos o wootooxaa o gaɗ a xoox es na nuun, too xeɗaam ta saxaa na mi.

2 Korint 7:11

Ƭeetyo rek ke naqad feene inoorna na Roog a rimanna a nuun. Kaa rimaa fitna fo a baasnax fo fuux fo caƭar fo a tiilax fo o jaflax fo o nqasan. No kuu ta waagna o ref oo nu lalta na qoox nuun ee nu nqoola no keene fop.

2 Korint 4:17

Yaaga boog coono miñeer ke i ngomaa, meɗee a in, yaam o ndam o njegee nand onqe ta jagandankaa a in, too a refkaa boo faw.

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

1 Korint 9:11

A soƥangaa yee halal yiif i nduufu na nuun, xar taxu o saxad no kalal adna ke nuun, nu mbi’in ƭomu?

O leetar ole Pool a bindna GIMU WE NGENNA ROM 16:10

Simnanaamoo a Apeel fee lalitna o ngim um na Kiristaa, simin ƥasil ne refna no mbind Aristobil,

O leetar ole Pool a bindna GIMU WE NGENNA ROM 14:18

Oxe na dagoortaa a Kiristaa neene, refu oxe felna a Roog fo xe jofooxna wiin we.

O leetar ole Pool a bindna GIMU WE NGENNA ROM 5:8

ndaa Roog a lalta ne ta fexitna a in boo Kiristaa a xonan a in, ye i maadna o ndefaa baabakaad.

A pi ake 20:34

Nuun moƴu and sax ee xa ƥay es axene jaltoogum boo waag o jeg kuu soxla’uuma, mi fo we yoontooguuma.

A pi ake 9:16

Xam lalin ke ta warna o torox fop yaam gon es.»

A pi ake 2:22

Nuun wiin we Isra’el, nan-gilooxyo ke um layiidaa a nuun. Yeesu o Naanasaret oxe a reeƭa o kiin oxaa andoona yee Roog feeñlun mbaambir nuun. Roog fa xoox um koy, a fi’a a pi katil fo comlaand fo xa anddiloor na pexey o kiin oxeene, ne nu andtuuna nuun fa qoox nuun.

YEGIL MBAAX NE YEESU ne Lik a bindtuuna 21:19

Na pexey o saƭkel nuun nu muclitkaa xa laaw nuun.»

Yowel 1:9

Sadax tuufe-duufe ƥisiidataand no Mbind ne no Yaal oxe, sadax biiñ ne’aand. Ten taxu saasadax we a naqadiloox, den we na njalanaa o Yaal oxe.

Esayi 61:6

Xan nu nqoyeel saasadax no Yaal oxe soo ne’el jaajal we Roog in. Xan nu ñoowtaa kalal ke na saax ake soo nqaaƴoor o ndam den.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

O leetar ole Pool a bindna GIMU WE NGENNA ROM 3:5

Ndi xar i laykaa? (Kaam laytaa nen wiin we sax.) Boo njofaƭar in a lalitna o cofel ole Roog, ndax Roog kaa jofaƭar, yaa ta xawaa a in no fuux um?