2 Korint 6:16 - NQAARIIT NE ROOG

¹⁶ Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

2 Korint 6:16 Referans Kwoze

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

A sutax ale 29:45

Xam gen a ndeer Ii-isra’el we soo ref Roog den.

Hebre 8:10

A doona teen ee: Keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Xam ref Roog den, da ndefat xeet es.

A paɗax ale 26:12

Xam ñaaƴaa a ndeer nuun, ref Roog nuun, soo nu ndef xeet es.

Yeremi 32:38

Maaga, xan a ndef xeet es, soo um ref Roog den.

Heseki’el 11:20

ndax da ndeef kebil es, a ngay bargal es soo a mbadin a den. Xan a ndef xeet es soo um ref Roog den.›

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

Yeremi 24:7

Xam ci a den yiif laa da anditna yee mi refu o Yaal oxe. Xan a ndef xeet es, soo um ref Roog den, yaam xan a nomtooxiid me mi fo a qeeñ den fop.

1 Korint 6:19

Kaa nu andee yee cer nuun ndefu ngenand Yiif Tedu le, Roog a cooxna a nuun? Feek oxe na nuun koy, nu njegatee a qoox nuun.

Hoose 2:23

A koom xam jaaɓ a asamaan fee, asamaan fee a jaaɓ lanq ke,

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

1Saŋ 4:15

Oxe jaɓna o weejil ee Yeesu o Ƥeenqe Roog oo, Roog a gena no xeene kiin, too ten itam, oxe na Roog.

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

Heseki’el 36:28

Xan nu ngen no saax le ci’uuma daan nuun. Xan nu ndef xeet es, soo um ref Roog nuun.

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

Hebre 3:6

Kiristaa koy, kaa gore’’u nen o Ƥiy onqaa dooneena kelfa no mbind ne Roog. In o mat ndefu mbind um, yaa i njegna a koolax a saƭku, too njeg o ɗaay no ke i yaakaaraa.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

2 Timote 1:14

Geeki paax ke doxnee’oona, no ndimle nqe no Yiif Tedu le genna na in.

1Saŋ 4:12

O leng mosee o ga a Roog. Boo i mbexirna a ndeer in, Roog kaa genaa na in, soo o mbeq um a fadnoor na in.

O leetar ole Pool a bindna GIMU WE NGENNA ROM 9:26

Me da laytoogeena yee: ‹Nu ndefee xeet es›, maaga, xan a nqoyateel xa ƥiy Roog fa ñoow jok fee.»

Heseki’el 43:9

Ndiiki koy xan a ndiƈat paam es njaga ne den fo xa tal axe no maad we den, too xam gen a ndeer den boo faw.

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.

Efees 2:20

Kaa nu maxel no tabax ne apootar we fo duleer we a mberna, too Kiristaa Yeesu fa xoox um a ref ɓil fer le.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

A cangatin ale 5:7

Faɗooxkiro a roog fa lakas faa refeerna mi.

A kim a tedu ke 90:1

A qeƭ ale Moyiis fee o kiin Roog oo. O Yaal oxe, no suk boo no suk wo refu njaɓnooxand in.

A sutax ale 34:14

Nu ngungkee mbaambir roog fa lakas, yaam mi o Yaal oxe, gon es refu ‹o Naalu xe›, soo um ref Roog fa naalu itam.

A sutax ale 20:3

Faɗooxkiro a roog fa lakas faa refeerna mi.

Mace 6:24

«O leng waagee o dagoox yaal ɗik, yaam yaaga xan a fex oxene soo a fañ oxaana, mbaat ta damoox no xene soo a sib oxe yoqna. Nu mbaagee ndagooxaa a Roog, soo mbug o ndagoox Xaaliis.»

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

1 Maad we 18:21

Maaga, Eliya a matiida xeet faa fop, a lay ee: «A mban nu mbaaskaa ceek-ceeknaa o mbiñ fo mbiñ? A soƥangaa yee o Yaal oxe refu Roog, mbaɗooxeenoo, ta soƥ koy ee Baal oo, mbaɗooxeenoo!» Kaa koy, o leng na xeet faa dooniran tig.

Sofoni 1:5

Xam moocand we na ngungaa na xa tung-took axe mbaambir njeeƈ ne fo o nqool onqe fo xa qoor axe, we na ngungaa, a ndaaɓoortaxam, mi o Yaal oxe, ndaa yaqanee da ndaaɓoortaa a Milkom,

A sutax ale 25:8

Fat Ii-isra’el we a mbi’anaam o faɗoorand, ndax um waag o gen a ndeer den.

Yeremi 31:1

O Yaal oxe kaa tee: «No camaane kaaga, xam refat Roog fee no ƥasil ke Isra’el fop, too xan a ndefat xeet es.»

Mace 16:16

Maaga, Simoŋ Piyeer a doonaan ee: «Wo refu Kiristaa fee o Muumucil oxe regteena refna o Ƥeenqe Roog fa ñoow jok fee.»

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

1 Korint 10:21

Nu mbaagee o mbog fo o Yaal oxe o kaas, soo mbogin fo cini ke. Kaam ee nu mbaagee o ndeer fo o Yaal oxe, soo ndeer fo cini ke.

Efees 2:22

No ten, nu mboga nuun itam, no we tabaxeena, ndax nu ndefat ngenand Roog na pexey Yiif le ten.

1 Timote 3:15

Kaa koy, um waagangee o ñof o gar, xan o andat ne o kiin a warna o ñoowtaa no ƥasil ne Roog. Ƥasil neene refu mbokatax ne no we ngimna na Roog fa ñoow jok fee, a ref itam a toodook ale jaƭna ndigil ne.

Saak 4:5

Ba nu mboog ee ke a Pind a Tedu ke a layna caaxaan oo. Kaa dee: «Roog bugee lakas a gendir fo Yiif le ta ci’na a in.»

YEGIL MBAAX NE YEESU ne Lik a bindtuuna 5:36

Yeesu a naxooxahina a den ee: «O leng xuuyitkee no ndoki nqas o seegiit, ndax ta daafin no ndoki ngiid. A fi’angaan, xan a xuuy ndoki nqas ne, too o seegiit ole ta xuuyitna teen waagkee o yoon fo ndoki ngiid ne.