2 Korint 6:11 - NQAARIIT NE ROOG

¹¹ I laya fa nuun fop, too i ƭasee a nuun dara, nuun qaariit in ke ngenna Korint, kaa i mbetan a nuun a qeeñ in.

2 Korint 6:11 Referans Kwoze

Filip 1:8

Roog a anda yee ne Kiristaa Yeesu a jegitna o liir na nuun, nu sooɓtaxam.

2 Korint 12:15

Mi o mat, xam jaɓ o jiriiñoor ke jeguuma fop, too xam ɓoxot a nuun a xoox es yaam xa laaw nuun. Ndax ne fextuuma a nuun neene xan a tax o mbeq nuun fa mi a wañoox?

A kim a tedu ke 119:32

Kaam ƴufaa na ƭat ale no kebil of, yaam dalnaa o laaw es.

2 Korint 2:4

Kam coono magnu fo xeeñ ŋaƭe, may fo xa kooniit bo, bindit’um a nuun, refee koy ee ndax nu naqadiloox, ndaa ndax nu and o mbeq o njegee hap onqe jeguuma na nuun.

Mbeeñil 22:12

Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

Filip 4:15

Nuun Fiifilip we, nu anda sax tigi yee, ye Yegil mbaax ne a sogeena o waare boo um ret Makedoni, mbokatax no gimu leng sax cooxiraam ƭaxir soxla, a refangee ne nuun.

Galati 3:1

Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

1 Sami’el 2:1

Xaan a simata o Yaal oxe too a lay ee: «Xeeñ es kaa felakinooxaa no Yaal oxe. O cok es oxe took yaam o ten, waagataam o jal fañ es. Kaam felakinooxaa no ten fee ƴufgaxama.

Efees 6:8

Fat nu and ee: Oxuu refna xan a daawit no Yaal oxe paax ke ta fi’aa, ta ref o paɗ mbaat oxaa jegna a xoox um.

Habakuk 2:5

«Halal kaa hodaa, too o magnandooxu xe miñkee meen, ten fee ɗaayna o don boo ta sis nen a jaaniif, ten fee deyƭooxkeerna muk nen fa nqon fee, a fokatanooxaa a saax ake, a koltirandaa qeet ke fop paam um.»

A kim a tedu ke 51:15

Maaga, xam aqatin a ƭat of baabakaad we mbesoonga a cinj, too xan a nomtooxiid me wo.

Ke bindeena no xe ne’eena YOB 32:20

Xam lay, ndax um waag o jeg jam, yaƥat o don es soo doon.

Esayi 60:5

Yaa o ga’kaa a den, xan o felakinoox, kam of a fel, soo xeeñ of a may muut fo o ɗaay. Kalal ke no maag ole xan a njagniid me wo, soo o jeg ole na saax ake a nqetiid me wo.

Heseki’el 33:22

O ɓay ole no Yaal oxe a doonoox’a took es no kirand naa yaaga oxe mucna fadiidafulee, too o Yaal oxe a wetan’axam o don es ye ta garna me mi no nqes ne. O don es a muƥtoox’a too muum’atiim.

A pi ake 18:1

A cinj kaaga, Pool a inoora Aten a ret Korint.

A pi ake 18:8

Kirispus fee reeƭna o aa-adax oxaa no mbind a qeƭ naa sax, a gim’a no Yaal oxe, ten fo wiin mbind um fop. Maaga, mayu no Kookorint waa nan-gilooxoogna a Pool, a ngim’a too a mbatiise’’e.

Galati 4:12

Fog we, ngela nandandooraamoo, yaam nandataam fa nuun we ndefeerna Yaawuur. Nu mos’iraam o mbi kaa ɗomaxama, ndaa ndiiki nuun we mbi’an.

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.