2 Korint 6:10 - NQAARIIT NE ROOG

¹⁰ naqadileel, too ngen no ɗaay, ndef rool, too njegnooraa wiin mayu halal, ndef waa njegeerna a keƭtoor, too yaaga fop oo, no ndigil i njega fop.

2 Korint 6:10 Referans Kwoze

YEGIL MBAAX NE YEESU ne Saŋ a bindtuuna 16:22

Nuun itam, nuun wey na naqad, ndaa xan i ndakoox o nga’ir, too a koom nu may fo o ɗaay. O ɗaay olaaga koy, o leng waagkiran o suqit na nuun.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

Mbeeñil 2:9

Kaa tee: Andaam ne o toroxandteel, and itam ne rooltoona. Kaa koy, no ndigil o yaal halal refo. We na layooxaa Yaawuur too ndefiran, a ndef no layanang paaxeer, keene sax andaanum. Wiin weene, no mbind a qeƭ ne Saytaane o mat a mbogu!

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Hebre 10:34

No ndigil, nu njeg’a yirmande no we ndameena kaso. Ye kalal ke nuun a njangeena itam, nu njaɓ’a o ñak a den no fud o letu. Nu and’a yee nu njega halal faa moƴna, too a refkaa boo faw.

1 Timote 4:8

yaam a poƭtax cer a jega o njiriiñ ndaa mayee. O reef a Roog o mat, kaa jiriiñ no fop. Kaa fof ndegit ne no ñoow oleeke sax sax fo no ñoow ole na garaa.

Filip 4:4

Naangyo o mbelakinooxaa kili no Yaal oxe, kaam ee naangyo o mbelakinooxaa!

1 Tesalonik 1:6

Nu ndefata we na laalaa a in tigi, soo laalaa o Yaal oxe. Ke fa lay um a ɓisiidna ɓisiid coono fop oo, yaqanee nu njaɓaan fo o ɗaay ole Yiif Tedu le a ci’taa.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Filip 2:17

Um warange sax oo, fo’oy es kaa nandkaa soom nen ƥaate took o ngim onqe nu ƥoxotna a Roog nen sadax, sawaraam teen, felakinooxaa fa nuun, nuun fop.

O leetar ole Pool a bindna GIMU WE NGENNA ROM 11:12

Ii, boo njom ne den a refanna adna fa muum o njiriiñ no kaa jofna na Roog, soo a neewand ale da neewandeena a refan we ndefeerna Yaawuur o njiriiñ, kaam ee nam o njiriiñ onqeene a fodkaa yaa da nomtooxna na Roog?

Xa peƭit axe 16:16

Waaƭ o jeg-yiif moƴu wurus, waaƭ o and a moƴ xaaliis fa nqoolu.

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

2 Korint 4:7

Kaa i saq halal feene, in we ndefna pand maxte lanq, ndax katil neene jegeerna o nand inoorkee no leng na in, ndaa ta inoor na Roog.

2 Korint 2:4

Kam coono magnu fo xeeñ ŋaƭe, may fo xa kooniit bo, bindit’um a nuun, refee koy ee ndax nu naqadiloox, ndaa ndax nu and o mbeq o njegee hap onqe jeguuma na nuun.

O leetar ole Pool a bindna GIMU WE NGENNA ROM 15:13

Yaasam Roog fee na ci’taa yaakaar a mayƭand a nuun fo o ɗaay fa jam fa ndeyu sik na pexey o ngim onqe nu njegna no ten, ndax nu mbaag o may muut fo yaakaar inooru na doole fee no Yiif Tedu le.

O leetar ole Pool a bindna GIMU WE NGENNA ROM 12:15

Mbelakinooxyo fo we njegna o ɗaay, loolandoor fo we na loolaa.

A pi ake 5:41

Naaga, apootar waa a ndiƈatooxa Mal maak naa. Den fop a ƭaaya yaam tedaanga fee Roog a ci’’ina a den, da toroxandeel yaam gon le Yeesu.

YEGIL MBAAX NE YEESU ne Lik a bindtuuna 6:21

Nuun we nqeexeena ndiiki, nu ƭaaya, yaam xan nu ngiñ! Nuun we naqadilooxna ndiiki, nu ƭaaya, yaam xan nu sawar!

Mace 5:4

We naqadilooxna a ƭaaya, yaam xan Roog a yaal a den!

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

1 Tesalonik 5:16

Fat o ɗaay a ref fa nuun kili.

A pi ake 3:6

ndaa Piyeer a layaan ee: «Jegiim xaaliis, jegiim wurus, ndaa ke jeguuma, xam cooxong o ten. No gon le Yeesu Kiristaa o Naanasaret oxe, inooxi too ñaaƴ!»

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

1 Korint 1:5

Yirmande feene refu yee xañee a nuun dara no ten. A ci’a a nuun nu mbaag fa lay, njeg o and itam.

O leetar ole Pool a bindna GIMU WE NGENNA ROM 9:2

Kene refu o gooy o maak ole fa naqad fee jeguuma kili kam xeeñ es.

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

A pi ake 16:25

No yeng o njeek, Pool fa Silaas a nqeɗooga a Roog, a ngimaa a kim a simatir, too lakas waa ndam’eena kaso a nan-gilooxooga a den.

Mace 5:12

Mbelakinooxyo, too ndef kam o ɗaay, yaam ndabid nuun xan a magin na asamaan. Ba nu mbeecit itam ee neene duleer we adooxna a nuun a ñagadilit’e.»

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

Xa peƭit axe 13:7

Leng we kaa mbi’ooxaa jegu too njegee tus, lakas we mat a mbi’ooxaa rool too a njeg halal fa mayu.